Амьдран суух зориулалттай орон сууц анх удаа худалдан авсан тохиолдолд татварын хөнгөлөлт эдлэх тухай
Та энэхүү хөнгөлөлтөд хамрагдахын тулд:
Тухайн орон сууц авсныхаа дараа тухайн оны 2 сарын 15 ны дотор шинээр авсан орон сууц байрлах хаягт харъяалагдах татварын албанд дор дурдсан материалыг бүрдүүлж өгнө.
o Чөлөөлөлт эдлэхийг хүссэн өргөдөл (чөлөөлөлт эдлэхийг хүссэн иргэний гараар бичсэн өргөдөл)
o Иргэний үнэмлэхний хуулбар (Нотариатаар баталгаажуулах)
o Хорооны тодорхойлолт (Ам бүлээрээ амьдран суугаа нь үнэн гэсэн тодорхойлолт)
o Татвар төлөгч иргэний орлого, орлогын татварын бүртгэлийн дэвтэр (Оршин суугаа татварын албанд бүртгүүлж, орлого болон суутгуулсан татварыг баталгаажуулсан байх)
o Нийгмийн даатгалын дэвтрийн хуулбар
o Ажлын газрын болон цалингийн тодорхойлолт
o Үл хөдлөх хөрөнгийн гэрчилгээ болон байрны ордерын хуулбар (Наториатаар баталгаажуулсан байх)
o Захиалгын болон худалдах, худалдан авах гэрээ (Чөлөөлөлт эдлэх хүний нэр дээр хийгдсэн гэрээ, нотариатаар баталгаажсан байх)
o Байранд төлсөн мөнгөний баримт
o Үл хөдлөх хөрөнгө борлуулсан тохиолдолд 2 хувийн татвар төлсөн баримт
o Зээлийн гэрээ, зээл авсан байгууллагаас мөнгө шилжүүлсэн баримт (Хэрвээ үл хөдлөх хөрөнгийг зээлээр авч байгаа тохиолдолд чөлөөлөлт эдлэх иргэний нэр дээр банк санхүүгийн байгууллагатай хийсэн гэрээ, тухайн зээл авсан байгууллагаас байранд төлсөн мөнгөний баримт гэрээ наториатаар баталгаажсан байх)
o Хөрөнгийн үнэлгээний байгууллагаар үнэлсэн тайлан (Хэрвээ үл хөдлөх хөрөнгийг өөрийн хөрөнгөөр барьсан бол хөрөнгийн үнэлгээний байгууллагаар үнэлүүлсэн тайлан, хөрөнгийн үнэлгээний газраар үнэлүүлээгүй бол барилгын материал түүхий эд авахад зарцуулсан мөнгөний баримт)
o Хамтран өмчлөлтэй бол хамтран эзэмшигчийн чөлөөлөлт эдлээгүйг баталсан тодорхойлолт
