Өнөөдөр манай орны уул, уурхайн салбар дэлхийн сонирхолыг ихээхэн татаж, энэ салбарт гадныхан ихээхэн хөрөнгө оруулж, дэлхийн жишгийн техник, технилоги нэвтрэх болсон.

Гэвч өнөөдөр Шивээ Овоогийн нүүрсний уурхайд Монгол инженерүүд өөрсдийн оюу ухаан, хүч хөдөлмөрөөр дэлхийн хамгийн сүүлийн үеийн технологийг нэвтрүүлсэн үйлдвэр, Монголдоо хамгийн урт конвейерийн тээврийн иж бүрдлийн нээлт боллоо.

Шивээ Овоо нүүрсний уурхай нь дотоодын үйлдвэр, зах зээлд бүтээгдэхүүнээ нийлүүлдэг улсын үйлдвэрүүдийн нэг билээ. Тус үйлдвэр жилд 1,4 сая гаруй тонн нүүрс олборлон дотоодын үйлдвэрүүдэд нийлүүлдэг бөгөөд, эндхийн нүүрс харьцангуй чийгшилтэйд тооцогддог нь нүүрсний борлуулалтынд нөлөөлдөг байсан юм байна. Иймээс нүүрсний чийглэгийг бууруулах, холбогдох конвейерийн тээврийн систем нэвтрүүлэх нээлттэй тендер зарлаж байсан.

Тус тендерийн гүйцэтгэгчээр сонгогдсон Таван Талст ХХК өнөөдөр нүүрс хатаах үйлдвэр, Монголд хамгийн урт буюу 2000 м конвейерийн иж бүрэн автомат системийг хүлээлгэн өгч байна.

Нүүрс хатаах үйлдвэрийн онцлог нь:

·         Тоосонцор нүүрс ашиглан ажиллаж 600-950⁰С-д хатаах

·         Нийт цагт 200 тн чийгтэй нүүрс хатаана

·         Үйлдвэрээс гарах тоосонцорыг барих 8 циклонтой, мөн утаа, тоосыг бүрэн дарах бороожуулагчтай

·         Бороожуулагчийн ус нь дахин ашиглагддаг бүрэн эргэлттэй тул хаягдал ус гарахгүй, байгаль орчинд ээлтэй технолого юм.

Конвейерийн тээврийн иж бүрдлийн онцлог нь:

·         Нүүрс тээвэрлэлтийн асуудлыг эдийн засгийн хувьд хэмнэлттэй,

·         Байгаль орчинд үүсэх тоосжилт багатай учраас байгальд ээлтэй технологи юм.

·         4 хэсгээс бүрдэх конвейерийн нийт урт нь 2 км бөгөөд Монголд хэрэглэж буй хамгийн урт конвейер

·         Олборлолтоос ирсэн нүүрсийг шууд хатаагаад цааш нь галт тэрэгт ачих бүх ажиллагааг хийнэ.

·         Бусад тээврийн хэрэгсэлтэй харьцуулахад бүтээмж өндөр, ашиглалтын зардал бага, дуу чимээгүй, байгаль орчинд хор нөлөөгүй, тоосжилтгүй гээд давуу тал ихтэй юм.

Энэхүү төсөл хэрэгжснээр Шивээ Овоогийн нүүсний уурхайн чанар дээшилж, бүтээмж өсөж буй бөгөөд цаашид хүчин чадлаа нэмэгдүүлэх бүрэн боломжтой болж буй юм. Энэхүү төслийг Монгол инженерүүд өөрсдийн хүч хөдөлмөрөөрөө хэрэгжүүлсэн нь Монгол Улсын уул уурхайн салбарын хөгжилд түүхийн цоо шинэ хуудас нээж чадлаа гэж салбарын мэргэжилтнүүд бахархаж байна.

Говийн зэрэглээт тал нутагт Монгол инженерүүдийн ур ухаан хичээл зүтгэлээр бий болсон “Таван Талст” ХХК-ийн нүүрс хатаах үйлдвэр нь Монголын уул уурхайн шинэ цагийн хөгжлийн нэгэн илрэл боллоо.