Нийслэлд дунджаар 200-300 мянган айлын орон сууц хэрэгтэй гэсэн судалгаа бий. Харин үүнээс 100 мянга хүрэхтэй үгүйтэй нь л ам метр талбайн хөлс нь 1000 доллараас илүү үнэтэй байр худалдан авч байгаа. Ийм эрэлт хэрэгцээг хангах хямд өртөгтэй нэг ам метр талбай нь 500 мянган төгрөгөөс доош үнэтэй сууц барих чиглэлд Та бүхэнтэй хамтарч ажиллахад бэлэн” байна хэмээн орлогч уулзалтын үеэр хэллээ. Бизнес төлөөллийнхөн зөвхөн дээрх хоёр чиглэлд ч бус, банк, зам, тээврийн салбарт ч хамтрахад бэлэн гэдгээ илэрхийлсэн юм.
Манай улсад тэр дундаа дэд бүтцийн салбарт ихээхэн өөрчлөлт орж буй. Барилга байгууламж нэмэгдэхийн хэрээр шинэ суурьшлийн бүс өдрөөс өдөрт хаяа тэлж байгаа. Хүн амынх нь талаас илүү хувь нийслэлдээ төвлөрсөн гээд Улаанбаатарт шийдэх асуудал олон бий. Хүн амын амьжиргааны түвшинг дээшлүүлэхээс эхлээд шат дараалсан маш олон ажил хийж байгаа. Энэ бүхэн лүү чиглэсэн хөрөнгө оруулалт чухал гэдгийг энэ үеэр онцоллоо.