Плита наах аргачилал

Гадаргууг бэлтгэх
Шаазан хавтанг наах гадаргуу маш тэгшхэн, бат бөх, хагаралтгүй, цэвэрхэн, барьцалдах чанарыг багасгах тоосноос ангижирсан байх ёстой.  Шавардсан хана сайн бэхжиж хатсан, гадаргуу нь үүрч бутрахгүй цэвэрхэн байх хэрэгтэй. Хуучин гадаргууг урьд өмнө нь ямар материалаар хийснийг нь шалгах нь зүйтэй. Залгаагүй цементен гадаргуу доод тал нь 28 хоногийн дотор бэхжилтээ авсан байхаас гадна чийгшилт нь 2%с дээшгүй байх ёстой байдаг. Хэрэв усыг их шингээдэг залгаагүй гадаргуу байвал гадаргуун чийгшилт нь 0,5%-с дээшгүй бат бөх чанартай байх хэрэгтэй.
1.    Модон гадаргуу байгаа нөхцөлд хөдөлгөөнгүй, бат бөх хуучин будгийн үлдэцгүй байгаа эсэхийг сайн шалгах ёстой. ДСП/ДВП- хавтангууд шаландаа сайн наалдасан байх ёстой.
2.    Алгаараа үрхэд элс тоосонцор хуурахгүй байгааг шалгана.
3.    Хатуу үзүүртэй төмөр багажаар гадаргуугаа зурж бат бөхийг шалгаарай. Зурааснууд нийлж байгаа хэсэг дээр үенүүдийн хоорондох салалт үүссэн байгааг анхааралтай харж үзэж болно.
4.    Рейк шугамын тусламжтай гадаргуун тэгш байдлыг мэднэ.
5.    Хуучин обой будгийн ба засал чимэглэлийн материалуудын үлдцүүдийг бүрэн арилгах нь зүйтэй.
6.    Хуурч унаж байгаа хуучин плитануудыг гадаргуунаас салгах хэрэгтэй
7.    Хагаралт үүссэн газарыг дүүргэхийн тулд  “sopro GH564” давирхайг хэрэглэнэ,

Плита наах
Орчин үед хавтанцарыг цементэн зуурмагаар, төрөл бүрийн фирмүүдийн тусгайлан бэлтгэсэн цавуугаар наах 2 аргыг голчлон хэрэглэж байна. Цементэн зуурмагаар наахад 1:4-өөс  1:6 гэсэн харьцаагаар зуурмагаа газар дээр нь бэлтгэж зуурч наадаг. Хавтанцар наах зуурмагийн марк 25-с доош байж  болохгүй. Бэлэн зуурмагийн хөдөлгөөнт чанар 35мм конусан суулттай байна. Наах цавууны конусан суулт 70-80мм байх хэрэгтэй. Плита наах зуурмагийн зузаан 7мм-с багагүй 15мм-с ихгүй байх ёстой. Цавууны зузаан 3мм-с ихгүй байна.

Хананд хэмжилт хийх маяк байгуулах
1.    Дээд талын маякны хавтан
2.    Доод талын маякны хавтан
3.    Гадас /хадаас/
4.    Утас
Өнгөлгөөний хавтан наах явцдаа тэдгээрийн хэвтээ чиглэлийн эгц эсэхийг тэгшлүүрээ тулгаж барина. Хавтанг нэг захаас юмуу голоос хоёр тийш наадаг. Хавтанцарыг наахаас өмнө 30 минутаас багагүй хугацаанд услаж норгосон байх ёстой. Зуурмагаар хананы хавтанцар тус бүр дээр жигд наагаад хавтан бүрээр нааж болно. Харин шалны хавтанцарыг бол 1-2 үеээр нь зуурмагаа тэгшилж  тараагаад наадаг. Хана шаланд заадас  давхцуулан наах, заадас зөрүүлэн наах, диагналиар наах 3 арга байдаг. Харин зуурмагийн цементийн марк 400-с бага байж болохгүй.

Ханын хавтанцар наах
1.    Шаазан хавтанцар наахаасаа өмнө гадаргууг тусгай тэгшлэгчээр тэгшлэж,  наах гэж байгаа гадаргуу дээр хөрсжүүлэлт эсвэл тусгай барицалдах чанарыг ихэсгэх бодисуудыг хэрэглэнэ.
2.    “Sopro HE 499” HAFTEMULSION, энэ бол барьцалдах чанарыг түргэсгэдэг. “Sopro HE 499” хөрсжүүлэгчийг түрхэж хэрэглэсний даруй Sopro NSM 550 Nivellierspachtel гэж нэрлэдэг өөрөө тэгшрэгч шалыг хэрэглэнэ. Өөрөөр хэлбэл “ Нойтон байгаа хөрсжүүлэгч дээр шууд өөрөө тэгшэрч шалыг нойтноор нь” хэрэглэнэ гэсэн үг.
3.    “Sopro GD 749 Grundierund”, энэ бол барьцалдах чанарыг ихэсгэдэг шингэн түрхлэг бөгөөд ялангуяа гипс, кардон-гипс хавтан, ус их шингэдэг шал, залгаагүй цементэн гадаргуй, шавардсан хана зэрэг гадаргуунд хэрэглэдэг. Уг хөрсжүүлэлтийг хэрэглэсэнээр гадаргууны ус шингэлт маш их хэмжээгээр багасч гадаргуун дээр байгаа тоосонцор, материалын чөлөөт жижиг биетүүдийг хооронд нь барицалдах чанарыг ихэсгэнэ.
4.    “Sopro HK 553 Haftkraft”, энэ бол урвалд ордог хөрсжүүлэгч бөгөөд ялангуяа гөлгөр газар дээр шаазан хавтанцарыг наахад зориулагдсан. Гөлгөр гадаргуу нь бол хуучин хавтанцар, мөн будаг цавууны гадаргуу байж болно.

Ус тусгаарлалт
Хавтанцарын гадаргуун дээрхи хагаралт толбо хөлдөлт үүсэх гол шалтгаан нь доод талын гадаргуун ус нэвчилт байдаг. Иймд усны нэвчилт үүсгэхгүйн тулд хавтанцарын гадаргуун доор уян “Sopro DS-flex 423 Dichtschlamme flex” ус тусгаарлагчыг хэрэглэнэ. Энэ тусгаарлагч нь маш уян найрлагтай учраас гадаргуун дээрх бүх хагаралт болон завсрыг бөглөж чадна. Ус тусгаарлагчийг мөн эрдэс ба хуучин хавтанцар гадаргуу дээр хэрэглэдэг.

Ус тусгаарлалт хийх
* Ус чийглэг ихтэй буюу ванн душны өрөө  гэх мэт газар хийнэ.
*  Ус чийглэг ихтэй газаруудад жишээ нь ванны өрөөнд заавал ус тусгаарлагч хийх нь зүйтэй. Шаазан хавтан өөрөө ус нэвтрүүлдэггүй ч гэсэн хавтанцаруудын хоорондох заадсаар ус чийг нэвтэрдэг. “Sopro FDF 525 FlachenDicht” шингэн нь ус тусгаарлахад бэлэн тусгаарлагч байдаг.

Хавтанцар наах байршилын төлөвлөлт
1.    Шаазан хавтанцарын байршлын төлөвлөлт
2.    Наах ханаа хоёр хувааж дундуур нь зураас татна.
3.    Ханын гадна булан дээр бүтэн хавтанцараар нааж эхэлдэг. Харин дотор булан дээр зүссэн плита орно.
4.    Тасалгаа хоорондын зайд /хаалга байгаа хэсэгт/ хавтанцарын заадас үргэлж байх ёстой /нэг өрөөнөөс нөгөө өрөөрүү/.
5.    Хэрвээ хавтанцар наах дээд хязгаарыг заагаагүй бол бүтэн хавтанцарыг дээрээс эхлэн нааж доороо зүсэлт хийсэн хавтанцарыг наана.
6.    Шалан дээр шаазан хавтанцарыг наах үедээ эхлээд наах гадаргуугаа дундуур нь хоёр хувааж зурвас татах нь зүйтэй. Энэ зурвас дээр тавигдах гэж буй хавтанцарын хоорондоо заадас эсвэл бүтэн хавтанцарын тал нь оноогдох ёстой.
7.    Радиаторны нишний гадаргуунд хавтанцараа хувиарлаж байрлуулах нь зүйтэй.

Хавтанцарыг бэлтгэх
Бүх гадаргуундаа бүтэн хавтанцараар наах явдал тун ховор. Ихэвчлэн гадаргууны төгсгөлд , булан хана шалны уулзвар хэсэгт хавтанцарыг хэмжээнд нь тааруулж зүсэж хийх шаардлага гардаг. Үүнийг зарим багажийн тусламжтайгаар өөрийн хүссэн хэмжээгээр өндөр нарийвчлалтай зүсэж болно. Хавтанцраа сайн дараад зүсэх юм.
-  Хавтанцарыг  зүсдэг зориулалтын багажаар зүсэх нь тэгш болгодог.
-  Сангийн хоолой хийх явцад янз бүрийн хэлбэрээр хавтанцарыг зүсэх шаардлага гардаг. Үүнд хавтанцар дээрээ зурвас татаад шууд бахиар эмтэлж авч болно.
-   Хавтанцар дотор тойрог нүх гаргахын тулд эхлээд өрмөөр тойруулж нүх гаргаад дараа нь үлдсэн хэсэгийг бахиар эмтэлж авна.
- Цахилгаан өрмөн дээр тусгай суулгадаг зүсэгч байдаг. Үүнийг хэрэглэхэд хавтанцарын өнгөн гадаргууг гэмтээхгүйгээр зүсэж болдог.

Хавтанцарыг хананд наах
1.    Хөрсжүүлэлт хийсэн гадаргуун дээр рейк ба тэгш усаар хавтанцараа байршуулна.
2.    Хуурай цавуугаа устай хольж жигд болтол нь зуурна.
3.    Нийвийний тэгш талаар нь сайн дарж зуурмагаа ханан дээр нэг үе татна.
4.    Дараа нь зуурмагийн үндсэн үеийг нийвийний шүдтэй талаар нь 2-р үе тавина. Гадаргууд зуурмагаа татаж бэлдэхдээ 1,5м2 дээшгүй байх ёстой.
5.    Хавтанцараа хажуугийн хавтанцардаа тулгаад дээрээс нь ялигүй дараад дараа нь байршуулах газартаа авчирна.
6.    Тусгай зориулалтын /крестны/ нэмэх тусламжтайгаар заадасны тэгш байдлыг хангана.
7.    Бас нэг тохиромжтой хэрэгсэл гэвэл тусгай булангийн утас/шнур/ тогтоогч байдаг.
8.    Зуурмагийг хатхаас нь өмнө илүүдэл зуурмагийг заадаснаас зайлуулах нь зүйтэй

Хавтанцарыг шалан дээр наах
       Дулааны хэлбэлзэл ба механик даралт ачаалалд орсон хавтанцарууд ихэвчлэн хагарч гэмтэх магадлалтай. Хавтанцарын доор хөндий байвал хагарах салах тохиолдлууд байдаг. Хэрэв хөндий зайтай хавтанцар байвал дотор нь ус орж хөлдөсний улмаас хавтанцар салах нэг шалтгаан болдог. “Sopro VF413 Varipflex” шаланд зориулагдсан хагас шингэнээр зуурагддаг хавтанцарын цавуу юм. Энэ нь хагас шингэнээр зуурагддаг учраас хавтанцарын доод тал  хөндий зай үлдэхгүйгээр бүрэн  гадаргуундаа наалддаг.

Хавтанцарын чигжээс хийх арга
Хананы хавтанцарын хоорондох заадсыг чигжихийн тулд “Sopro MFs Meisterfuge schnal+breit” 0-5mm хэрэглэх нь зүйтэй. Уг чигжээс нь нарийн ширхэгтэй учраас гөлгөр гадаргууг үүсгэдэг. Sopro үйлдвэр бүх өнгийн чигжээс гаргадаг. “Sopro FUD469 Fugen Dispersion” энэ бол чигжээсэнд холидог дисперси. Энэ дисперсийг хольсноор плитаны заадсанд чигжээсний дээд зэргийн барьцалдуулах чанарыг ихэсгэнэ. Хэрвээ халууны хэлбэлзэл ихтэй газар байвал уян чанарын “sopro FLF Flexfuge” чигжээсийг хэрэглэнэ.

Шалны хавтанцарын чигжээс хийх арга.
Шалны хавтанцарын заадсыг чигжихдээ “Sopro MFb MeisterFnge breit” 5-20mm чигжээсийг хэрэглэж болно. Өргөн заадастай газарт уг чигжээсийг хэрэглэснээр ямар нэгэн хагаралт үүсэхээс болгоомжлох хэрэггүй. Чулуун хавтанцарыг чигжихийн тулд мөн өргөн нь 3мм дээш байвал дараах чигжээснүүдийг хэрэглэж болно. Үүнд: Sopro SFM ShcnellFugMortel эсвэл Sopro FLF FlexFuge. Уг чигжээснүүд хурдан хатдаг учираас хавтанцарыг чигжээсний үлдэгдлээс угааж цэвэрлэхэд маш хялбар байдаг.

Силиконоор чигжих арга   
Бүх материалууд, жишээ нь чулуун хавтан, цемент, гипс халууны хэлбэлзэл, агаарын чийгсэлтээс эсвэл механик үйлчилгээний улмаас тэлж, агшиж сунадаг. Тийм учираас булан, хана шалны зааг газруудад уян чигжих материалын хэрэгцээ гарна. Сангийн холболттой нүх завсруудад тусгай зориулалтын “Sopro FSIL Fugendicht Seidenmatt” гэдэг силикон хэрэглэдэг. Уг силиконыг төрөл бүрийн өнгөөр үйлдвэрлэдэг бөгөөд мөөгөнцөр үүсгэхээс хамгаалдаг онцлогтой. Мрамор ба байгалийн чулуун хавтанцарын заадсуусдыг “Sopro MSIL marmorslicon specialsliconfuge karat” гэдэг силиконоор чигжинэ. Чигжээс хийхдээ:

1.    Булангийн завсар цэвэр байх ёстой хэрвээ бохир байвал цэвэрлэх хэрэгтэй
2.    Хурц хутгаар хийх гэж байгаа өргөний хэмжээгээр ташуу хуванцар хоолойг зүснэ.
3.    Чигжсэн газраа усаар чийглэж өгнө. Түүний дараа “sopro 094siliconfix” тусгай зориулалтын хуванцар тэгшлэгчээр тэгшилнэ.
4.    Усаар чийглэж силиконоо хуруугаараа хөнгөн дарж  тэгшилж болно.
Гадаргууг хавтанцараар /плита/ өнгөлөх ажлыг гүйцтэгэх технологи
1.    Өнгөлгөөнд гадаргууг бэлтгэх
2.    Хавтанцарыг бэлтгэх ялгаж ангилах
3.    Хавтанцарыг зүсэхийн өмнө зүсэх хэсэгтээ тэмдэг тавих
4.    Хавтанцраа жижиглэж хугалах, нүхлэж өрөмдөх
5.    Ирмэг засах
6.    Гадаргууг өнгөлөх хаванцарын зураг сонгож авах
7.    Гадаргуугийн тэгш өнцөгт хэлбэрийг шалгах
8.    Талбайг хувааж маяк байгуулах
9.    Хавтанцар наах хана шаланд түрхэлэг хийх
10.    Хавтанцарийг наах услах
11.    Зуурмаг болон цавууг зуурч бэлтгэх, тарааж тэгшлэх
12.    Хавтанцар наах
13.    Завсар хооронд хавчуурга хийх завсрын чигжээс хийх