“Интернэт маркетинг ба Барилга.МН” цагаа олсон сургалт байлаа
“Барилга.МН” БЗМТ-өөс барилгын салбарт үйл ажиллагаа явуулж байгаа байгууллагуудын дунд өөрсдийн материал бүтээгдэхүүнээ интернэтийн орчинг ашиглан хэрхэн олон нийтэд таниулж сурталчилж болох талаар “Интернэт маркетинг ба Барилга.МН” сургалтыг зохион байгуулсан билээ.
Энэ сургалтаас харахад барилгын салбарт энэ чиглэлийн мэдээлэл, сургалт семинар дутагдалтай байгаа нь харагдаж байгаа юм. Ийм төрлийн мэдээлэлийн чанартай, мэдлэг олгох сургалтыг сар бүр зохион байгуулах бөгөөд хүссэн хүн бүр суух боломжтой юм.
Та бүхэнд сургалтанд суусан хүмүүсийн сэтгэгдлийг хүргэж байна
“Одкон Групп” Маркетингийн менежер Б. Даваажаргал“Барилга.МН ба интернет маркетинг” сургалт хэр үр өгөөжтэй сургалт болсон гэж үзэж байна вэ?
Онолын сургалтаас илүү амьдралд ойрхон, бодож байгаагүй олон санааг өгсөн. Миний хувьд маш чухал сургалт байсан.
Та энэ сургалтаас өөрийн хүсч байсан мэдээллээ авч чадсан уу?
Авсан гэж үзэж байгаа. Гэхдээ сар бүр явуулах сургалтаас бүр илүү үр дүнтэй шинэ шинэ мэдээлэл, санаануудыг авах байх гэж найдаж байна.
Энэ сургалтаас ойлгомжгүй мэдээлэл байсан уу?
Ерөнхийдөө байгаагүй.
Цаашид та ямар мэдээлэл авахыг хүсч байна вэ?
Social сайтуудыг /face book, twitter/ хэрэглээний бүрэн ашиглаж сурмаар байна. Жич: бүх танилуудадаа мэдээлэлийг нэг доор явуулах зэрэг...
“Мастер Файбер Монгол” ХХК гүйцэтгэх захирал Т. Гансүх“Барилга.МН ба интернет маркетинг” сургалт хэр үр өгөөжтэй сургалт болсон гэж үзэж байна.
Миний хувьд цагаа олсон мэдээлэл байлаа, Барилга.мн сайт дээрх өөрийн компанийн мэдээлэлээ илүү хүртээмжтэй, агуулагатай болгох шаардлагатай байсан тул энэ сургалтад хамрагдсандаа баяртай байна.
Та энэ сургалтаас өөрийн хүсч байсан мэдээллээ авч чадсан уу?
Өөрийн хүсэж байсан мэдээлэлээ авсан бас тодруулж асуух зүйлс байсан тэрийгээ ч бас мэдээд авчлаа.Дэвшилтэт мэдиа маркетингийн талаарх чухал ойлголтыг бас мэдэж авлаа
Энэ сургалтаас ойлгомжгүй мэдээлэл байсан уу?
Бүгд ойлгомжтой байсан, бусад сонсогчид ч бас тийм байсан байх аа
Цаашид та ямар мэдээлэл авахыг хүсч байна вэ?
Сургалт, семинар болон үзэсгэлэн яармагийн талаарх мэдээлэлийг цаг алдалгүй авч байвал зүгээр байх. Энэ бүхнийг сайн зохион байгуулж байгаа “Барилга.МН” –н хамт олондоо баярлалаа.