Алт, цагаан алт, солирын чулуу болон үлэг гүрвэлийн ясаар барьсан нэгэн гайхалтай харш Швейцарьт сүндэрлэжээ. Уг харшийг 7,5 сая доллароор үнэлсэн нь дэлхийн хамгийн үнэтэй байшин болсон байна. 752 хавтгай дөрвөлжин метр ашигтай талбайтай харш Цук нуурын эрэг дээр оршдог боловч яг хаана байрлаж байгааг нь нууцалж байгаа ажээ. Машины дөрвөн гарааштай уг байшингийн дотор заслыг үнэт болон ховор материалаар хийсэн байна. Тухайлбал, 200 тонн алт, цагаан алт болон бусад үнэт металлаар засал чимэглэлийг хийсэн бол солирын чулуу, үлэг гүрвэлийн ясаар хийсэн хавтанцран шалтай ажээ. Барилгын ажлыг уран барилгач Стюарт Хьюзын удирдлаган дор “exklusivHaus” компани гүйцэтгэсэн бөгөөд уг харш үлэг гүрвэлийн яс цуглуулдаг Томас Болан гэдэг швейцарь эрийнх гэнэ. Үүнээс гадна Америкийн Вайоминг муж улсад Медисин Бау хотоос холгүй “Fossil Cabin” гэдэг нэгэн байшин байдаг байна. Уг байшинг 1932 онд үлэг гүрвэлийн 5796 ширхэг чулуужсан ясаар барьжээ. Түүний эзэн Томас Бойлон мөн л үлэг гүрвэлийн яс цуглуулагч юм. Д.Жаргал  /montsame.mn/