БНХАУ-ын Тяньжин хотын Барилгын холбооны төлөөлөгчид манай хотод айлчлах үеэрээ Нийслэлийн Барилга, хот байгуулалт, төлөвлөлтийн газарт зочиллоо. Тяньжин хотын Барилгын холбооны дэд ерөнхийлөгч Jiang Wei тэргүүтэй төлөөлөгчид БНХАУ-ын Тяньжин хот дахь Улаанбаатар төлөөлөгчийн газрын ахлах мэргэжилтэн Ц.Түмэнбаярын хамтаар хүрэлцэн ирсэн.

       Нийслэлийн Барилга, хот байгуулалт, төлөвлөлтийн газрын орлогч дарга Э.Анар, холбогдох хэлтсийн дарга нар болон архитектор, мэргэжилтнүүдийн хамтаар зочдыг хүлээн авч уулзаад Улаанбаатар хотыг 2020 он хүртэл хөгжүүлэх Ерөнхий төлөвлөгөөний тодотгол, 2030 он хүртлэх хөгжлийн Ерөнхий төлөвлөгөөний чиг хандлагын үзэл баримтлал, инженерийн хангамж, дүүрэг тус бүрт хэрэгжиж буй хэсэгчилсэн ерөнхий төлөвлөгөө болон гэр хорооллын барилгажилт мөн хуучин барилгуудын дахин төлөвлөлтийн талаар тус тус дэлгэрэнгүй танилцуулга хийв. Мөн үеэр Тяньжин хотын Барилгын холбооныхон Хангарьд ордны 13 давхарт байрлах Хот байгуулалтын үзэсгэлэнг үзэж сонирлоо. Тяньжин хотын хүн амын тоо 10 гаруй сая, нэг хүнд ноогдох ДНБ-ний хэмжээ 10 мянган ам доллар байдаг бөгөөд Улаанбаатар хоттой ах дүүгийн барилдлагаа тогтоосны 20 жил ой удахгүй болно. Улаанбаатар хотын хувьд тэргүүлэх ач холбогдол өгдөг хотын нэг юм.