Ус халаагуурын төрөл.

Эдгээр ус халаагууруудыг хэрэглээний халуун усны шугам хоолойгүй газруудад хэрэглэнэ.

1. Агшин зуурын ус халаагуур,  2. Хэрэгцээний ус халаагуур гэсэн 2 төрөл байна.

Дээрх 2 ус халаагуур нь ус халаагч теньтэй, теньний чадлаас хамааран шаардагдах цахилгааны хүчдэл нь 220-380В байна. Тиймээс аливаа ус халаагуурыг сонгохын өмнө тухайн халаагуурыг ажиллуулахад шаардагдах цахилгааны хүчдэл хүрэлцэх эсэхийг нягталж үзэх нь зүйтэй.

1.     Агшин зуурын ус халаагуур нь богино хугацаанд буюу усыг урсгалд нь халаана. Овор хэмжээ багатай, хананд бэхлэгддэг зөөж, байрлуулахад авсаархан байдаг. Халааж гаргах усны хэмжээ нь халаагуурын теньний хүчин чадлаас шууд хамааралтай байх ба бага буюу 8кВт хүртэлх теньтэй халаагуурыг халуун усны хэрэглээ багатай газар хэрэглэхэд тохиромжтой. Жишээлбэл : 40⁰С халуун усыг ихдээ 4 минут орчим гаргах ба үүнээс хэтэрвэл хүссэн хэмдээ хүртэл халааж чаддаггүй учир гал тогооны өрөөний тосгуур, ариун цэврийн өрөөний угаалтуур зэрэгт хэрэглэнэ. Давуу тал нь эдгээр ус халаагуурууд нь 220В хүчдэлээр ажиллана.

Хэрэв агшин зуурын ус халаагуурын теньний хүчин чадал нь 12, 15, 18, 21, 27кВт-аас их байвал шаардагдах хүчдэл нь 380В болно. Эдгээр халаагуурууд нь халаах чадвар өндөртэй байх ба шүршүүр, угаалтуур, тэр бүү хэл нийтийн халуун усны газарт ч хэрэглэж болно..

2.     Хэрэгцээний ус халаагуур нь эзэлхүүний хувьд харилцан адилгүй ихэнхдээ 40 – 500 литр байна. Теньний хувьд дээрхтэй адил 1.5кВт болон түүнээс дээш байна. Шаардагдах цахилгааны хүчдэл нь теньний хүчин чадлаас хамаарч 220В-380В байна. Ажиллах зарчмын хувьд өөрийн эзэлхүүн бүхий савандаа ус нөөцөлж, халаадаг. Халж бэлэн болсон усыг хэрэглэж эхлэхэд эзэлхүүнээ дахин дүүргэн шаардагдах хэм хүртэл халааж өгдөг. Ингэснээр заавал өндөр хүчин чадал бүхий тень шаардлагагүй юм. Цахилгаан зарцуулалтанд ч хэмнэлттэй байдаг.  

3.     Мөн үүнээс гадна нам даралтын зуух болон бусад халаалтын системд урсаж буй халуун усыг ашиглан эзэлхүүн дэх усаа халаадаг халаагуур байдаг. Өөрөөр хэлбэл хосолмол ажиллагаатай, теньтэй бөгөөд нэмэлт ороомогтой. Ороомгоор дээр дурдсан халаалтын системийн ус гүйж эзэлхүүнд байгаа усыг халаадаг. Энэ тохиолдолд цахилгаан зарцуулах шаардлагагүй. Зөвхөн таны байрны радиаторыг халааж буй усаар эзэлхүүн дэх усаа халааж буй хэрэг юм.    

Мөн эдгээр халаагуурууд нь бүрэн автомат, механик ажиллагаатай, энгийн болон электрон хянах самбартай байна.

Анхаарах зүйл: Ямар ч ус халаагуурыг техникийн нөхцөлд заасны дагуу ашиглах ба усны шахалтын даралтыг заасан хэмжээнээс хэтрүүлж болохгүй. Ус хийлгүйгээр хоосон байдлаар ажиллуулахыг хориглоно.

“Акватерм” ХХК нь өнөөдрийн байдлаар Польш улсаас дээрх агшин зуурын болон хэрэгцээний халуун усны халаагуурыг Монголын зах зээлд албан ёсоор нийлүүлэх эрх бүхий төлөөлөгчөөр ажилладаг юм. Бид бүхэн Улаанбаатар хотын бүтээн байгуулалтад өөрийн гэсэн хувь нэмрээ оруулан, барилгын салбарыг Европын чанартай бараа, бүтээгдэхүүнийг хямд үнээр ханган ажиллаж байна.