22-ын товчооны чиглэлийн замыг энэ сарын 20-нд нээхээр болсон байна. Замыг наймдугаар сарын 15-нд нээх ёстой байсан боловч борооны улмаас зам засварын ажил хэсэг хугацаагаар хойшилсон юм. 22-ын товчоо чиглэлийн 10,6 км замын өргөтгөл , шинэчлэлтийн  ажлын Таван шарын төмөр замын гарамтай уулзвараас Сонсголонгийн уулзвар хүртэлх нэг км замын хөдөлгөөнийг хязгаарлан, зам барилгын ажил гүйцэтгэж байна. Ойрын өдрүүдэд орсон усархаг борооны улмаас хучилтын ажил саатсан тул энэ хэсгийн замын хөдөлгөөнийг наймдугаар сарын 20-ны өдөр нээхээр хойшлуулсан. Мөн тус замын дагуу байрлалтай арав гаруй байгууллагын хүсэлтээр орц, гарц гаргах ажлыг нэмэлтээр хийж байгаа нь сайн байна.