Нийслэл хотод маань 8-10 сарын үед хөдөө орон нутгаас ирж байгаа оюутнуудын халаасыг отсон үнийн хөөрөгдөлт бий болдог болоод удаж байна. Зуны гурван сард хотыг зорих хүүхдүүддээ зориулж хуримтлуулсан хөрөнгийг нь аль болох овжиноор ашиг олж авах гэсэн энэ үйлдэлээ наймаачид сизоны үе гэж нэрлэн мөн л зуны турш бараагаа татдаг бололтой. Энэ мэтчилэн үйлдэл нийслэл хотын маань бүхий л худалдаа үйлчилгээний төвүүдэд байдаг гэдэгтэй хүн болгон санал нийлэх биз.              

        Оюутнуудын хувьд хотод суурьшсан хамаатнууд гэдэг хүлээж авахдаа хаан мэт угтдагч  хугацаа өнгөрөх тусам хөдөөний энэ тэр гэж гойчлон гэрээ сансан оюутны сэтгэлд дарамт болдог тохиолдол олон байдгыг би нэг бус удаа сонсож байсан. Тиймдээ ч оюутны дотуур байр хүрэлцээ муутай дараалал ихтэй байдаг байдал уламжлал болон  тогтсон гэхэд болно. Ингээд л түрээсийн байрны эрэлт нийгэмд бий болж байгаа юм даа. Бусдын жишгээр түрээсийн байрнуудын үнэ зундаа хямдарч өвөлдөө өсдөг байдал мөн л байдаг. Улирлын чанартай үнийн өсөлтийг харахад оюутанд зориулагддаг нь эргэлзээгүй юм шиг.

        Энэ үзэгдлийг харахад өнөөх их үйлсийг бүтээх ирээдүйн эзэд оюутнуудыг дэмжинэ тэтгэнэ гэсэн төрийн бодлого хаана байнаа. Иргэдийг орон сууцжуулна энэ тэр гэж ярсаар эх орны ирээдүй болсон оюутан залуусын амьдарлыг харах өнцөгийг хааш нь эргүүлж буйгаа төрийн өндөрлөгүүд мэддэг болов уу.

        Нэг орон сууц тэр байтугай нэг хотхон 2 жилдээ багтаад босжихдог болсон нь технологийн дэвшлийн үнэн нүүр царай. Энэ бол хөгжилд нөлөөлөх томоохон мотор. Харин оюутны хотхон барина гэсэн яриа яригдаж эхлээд миний мэдхээр л 4 жилийг ардаа үдлээ хөрөнгө оруулалтын асуудал шийдэгдсэн талаар эрх бүхий хүний амнаас би өөрөө сонсож байснаас хойш нэг оюутны хотхон дээрээс ахиад хэд хэдэн барилга барьчих хугацаа өнгөрсөнийг мэдэх хүн олон.

       Асуудлын цөм нь юунд байгаа вэ ? хөгжил дэвшилийн илэрхийлэл болсон чадварлаг барилгачид, чадамж сайтай компаниуд, хөгжилөөрөө тэргүүлж буй барилгын техналогид буруу байна уу ? Эсвэл бүх зүйлээс хойш нь датдаг мэтээр ард түмэнд харагддаг төрийн албаныхан эсвэл зарим нэгний хэлдэгээр өнгөрснөөсөө суралцаагүй өрөөлийг дуурайсан төрийн байгууллагуудын мунхаг системд буруу нь байна уу ? Мэдэхгүй юм даа ямартай ч түрээсийн байрны үнэ Оюутан залуусд хандан үнээ нэмж бэлэг барьдаг тогтолцоо арилна гэдэг үлгэр бизээ. Үлгэрт авах ч юм бий хаях ч юм бий.       Нийтэлсэн Д.Цэвэлсүрэн