“БАРИЛГА ЭКСПО-2011” Олон улсын барилгын үзэсгэлэн яармаг 2011 оны 9-р сарын 2-5-ны өдрүүдэд Мишээл Экспо Төвд 4 дэх жилдээ зохион байгуулагдах гэж байна. Тус үзэсгэлэнгийн Ерөнхий Ивээн тэтгэгчээр салбартаа тэргүүлэгч НОМИН КОНСТРАКШН ХХК оролцож байна.

          Энэхүү олон улсын үзэсгэлэн яармаг нь барилгын салбар болоод бизнесийн амьдралын томоохон үйл явдлуудын нэгт зүй ёсоор тооцогддог. Энэ ч утгаараа тэргүүлэгч үйлдвэрлэгч, импортлогч төдийгүй барилгын салбарт үйл ажиллагаагаа явуулж буй бүхий л компаниуд өөрсдийн хамгийн чухал  амжилтуудаа энд дэлгэн үзүүлдэг. 2011онд Барилгачдын 85жилийн баяр тохиож байгаатай холбогдуулан зохион байгуулалтанд илүү ач холбогдол өгч байгаа нь талбайн захиалга бүрэн дууссан төдийгүй, бүтээлч эзэддээ хэдийнэ очиж тус тусын өнгө, онцлогийг илтгэх бэлтгэл ажилдаа ороод байгаагаас нь харж болохоор байна.

           Албан ёсны мэдээллээс үзэхэд нийт 120 гаруй байгууллага, мөн Швейцарь, Япон, Орос,  Америк, Тайвань, Хятад, Хонконг зэрэг орнуудаас олон улсын төлөөлөгчид оролцож байгаа нь энэхүү үйл ажиллагааны цар хүрээ, ач холбогдол, олон улсын утга агуулгыг илэрхийлж байгаа юм.

        Үзэсгэлэн яармаг нь улс орны хувьд ААН, байгууллагуудын хамтын үйл ажиллагаа, нөөц боломжийг нээх, тэдгээрийг дэмжих зорилготой бол олон улсын хэмжээнд улс хоорондын харилцааг бэхжүүлэх, туршлага солилцох ач холбогдолтой байдаг билээ. Харин Барилга Экспо – 2011 Олон улсын үзэсгэлэн яармаг нь эдгээр ач холбогдлыг агуулахын зэрэгцээ Монголын ард түмэнд тус салбарын гайхамшигт шинэ содон амжилт бүтээл, дэвшил хөгжил бүхэнтэй танилцах, эрснээ олох, хүссэнээ авах боломжийг давхар олгож байгаа юм.

Энэ удаагийн “Барилга Экспо -2011” үзэсгэлэн яармаг нь олон улсын гэдэг утгаараа маш өргөн хүрээг хамарч байгаа бөгөөд өмнө нь зохиогдож байсан үзэсгэлэн яармагаас олон онцлог давуу талтай болж байна.

Үзэсгэлэн яармагт хүрэлцэн ирсэн үзэгчдээс АЗ ИЛҮҮ НЬ "АВТО МАШИНТАЙ ГЭРТЭЭ" ХАРИХ БОЛНО.