Энэ жил шинээр болон, шинэчлэгдэх 76 км зам бий. Үүнээс одоогоор бүрэн дууссан зам байхгүй бөгөөд зөвхөн зорчих хэсгийг нээсэн байгаа аж.  Нийслэлд энэ онд авто замын газраас нийт 46 төсөл хэрэгжүүлж байгаа. Энэ жилийн замын ажил өмнөх жилийг бодвол эрт эхэлсэн. Учир нь намар хүүхдийн хичээл гээд хүн бүр амраад орж ирсэн ид ажлын үед иргэдэд чирэгдэл учруулахгүйн тулд эрт эхэлсэн билээ. Гэвч Нийслэлийн авто замын газрын мэдээллээр бол зам засварын ажил 50 хувьтай байгаа гэв.  Төсөл хөтөлбөрүүдийн гэрээ ёсоор бол зам засварын ажил ирэх аравдугаар сарын 30-нд дуусах ёстой гэнэ. Гэтэл  зарим нэг замууд цаг агаарын нөхцөл буюу борооны улмаас хойшлох тохиолдол их гарч байгааг зам засварын ажил гүйцэтгэгч компаниуд хэлж байсан.  Мөн нэг хэсэг шатахууны хомсдолоос болж багагүй хугацаа алдсаныг ч хэлж байсан. Тэгэхээр зарим нэг замууд төлөвлөсөн хугацаандаа ашиглалтанд орохгүй нь бололтой. Ямартай ч холбогдох албаныхан хэлж буйгаар алдагдсан хоногуудыг нөхөж ажиллах боломжтой бөгөөд хяналт тавьж ажиллаж байгаа аж.

Энэ жилийн зам засварын гол ажил бол зүүн дөрвөн замаас баруун дөрвөн зам хүртэлх замын ачааллыг бууруулж, хөдөлгөөний нэвтрүүлэх чадварыг нэмэгдүүлэх зорилгоор Их сургуулийн гудамж, Олимпийн гудамжны уулзварыг нэгтгэж дөрвөн замын уулзвар болгохоор болжээ. Мөн Сүхбаатарын талбайг тойрсон  замыг хоёр урсгалтай болгосон. Одоогоор  нийслэлийн төвд тvгжрэл vvсгэхээр хаагдах зам  байхгvй гэнэ. Хамгийн сvvлд буюу энэ сарын 5-нд  Бага тойруугийн замыг нээсэн. Өөрөөр хэлбэл, ШУТИС-аас МУБИС-ийн уулзвар хvртэлх 400 метр замын 2.6 км замын зорчих хэсгийг бvрэн нээгээд байгаа аж. Засварт орсон замуудын явган хvний замыг Чингэлтэй болон Сvхбаатар дvvргийн ТVК-иуд хариуцаж хийхээр болсон. Одоо vлдсэн ажил болох хашлагын гагнаас болон хог хаягдлыг зайлуулах ажил хийгдэнэ гэв. Хотын төв орчмын зам засварын ажил дууссан. Цаашид хаах замуудын хуваарь удахгvй гарах аж. Одоогоор хаалттай байгаа замууд бvгд хотын гаднах замууд. Тухайлбал, 22-ын товчоо чиглэлийн 10.16 км замыг аравдугаар сарын 30 гэхэд хvлээлгэж өгөхөөр ажиллаж байна. Мөн Таваншарын төмөр замын 396 дугаар уулзвараас Сонсголонгийн уулзвар хvртэлх замыг энэ сарын 1-15 хvртэл хааж, хучилтын ажил гvйцэтгэхээр замын ажил хийгдэж эхэлсэн. Зам хаасантай холбогдож нийтийн тээврийн зорчих хэсэгт тодорхой хэмжээний өөрчлөлт орж байгаа. Энэ асуудлыг Нийслэлийн нийтийн тээвэр болон цагдаагийн газруудтай хамтран зохион байгуулалтыг хийж байна. Мөн Сонсголонгийн уулзвараас ТЭЦ-IV-ийн уулзвар хvртэлх замыг хааж, хучилт хийгээд замаа нээсэн, харин 800 метр замыг хаахаар төлөвлөжээ.

Зам дууссан гэдэг нь засварын ажил гэдэг зөвхөн ил байгаа хэсгээ хучна гэсэн vг биш.  Зам доогуурх дулааны шугамыг шалгах, цахилгааны шугам шилжvvлэх, vерийн далангийн асуудлуудыг шийдэх гээд зам доогуур хийгддэг ажил их. Зам засахад тухайн газарт байрлаж байгаа аж ахуйн нэгжvvдтэй тохиролцох зэрэг бэлтгэл ажил бас их бий. Эдгээрээс шалтгаалж захын дvvргvvдийн зам засварын ажил жаахан удаашралтай байгаа.

Энэ хавар, зуны өдрүүдэд нийслэлийн зам завсарын ажилд зориулж 67 орчим тэрбум төгрөгийн хөрөнгө оруулалт хийжээ. Нийт 76 км авто зам барихаар төлөвлөсөн байна. Зам барилгын ажлыг гүйцэтгэгч компаниуд 60 км замыг ирэх намар хүлээлгэж өгөхөөр гэрээгээ хийжээ. Залуучуудын өргөн чөлөө, бага тойруугийн нийт 20 чиглэлд зам засвар хийгдэх төлөвлөгөө гарч, Улаанбаатар хотын ерөнхий менежер батлалсан.  Өмнөх жилүүдэд чанаргүй зассан замууд аль хэдийн эвдэрч хагарчихаад байгаа. Энэ жилийн замын засварыг хийх компаниудтай гэрээ байгуулахад дараа нь гарсан эвдрэлийг өөрсдөөр нь засуулахаар тогтсон. Жишээлэхэд өнгөрсөн жил “100 айл”-ын замыг шинээр тавьсан ч өнөөд хагарчихсан л байгаа. Тэр замыг засахыг гүйцэтгэгчээс нь шаардсаны дагуу засварын ажил энэ жил засвар хийгдэнэ. Уг нь Мэргэжлийн хяналтын байцаагчид нь зам засч, барьж байгаа гүйцэтгэгч компаниудад байнга хяналт тавьж, барилгын материалд нь шинжилгээ, шалгалт хийгээд байвал энэ мэт алдаа дутагдал хаа хаанаа гармааргүй байлтай. Гэтэл МХЕГ-ын байцаагчид “Бид ажил ихтэй учраас өдөр бүр очоод шалгаад, хяналт тавих боломжгүй.  Хяналт шалгалтын олон үе шат бий. Тухайн компани нь дотооддоо хяналт тавьдаг.  Түүн дээр нь захиалагч байгууллага хяналт /нийслэлийн хөрөнгөөр бол Нийслэлийн авто замын газар, улсынх бол Авто замын газар гэх мэт/ тавьдаг гэнэ.
 

-Авто замын 22-ын товчоо чиглэлийн 10.6 км авто замын ажлын хүрээнд Таван шарын гармаас Сонсголонгийн уулзвар хүртэл цахилгаан, холбооны шугамын шилжүүлэх ажил болон уурын компенсатор хүчитгэх ажил, төмөр замын 2 гармын өргөтгөлийн ажлууд бүрэн хийгдэж дууссан ажээ. Таван шарын уулзварын өргөтгөлийн хучилтын ажил бүрэн хийгдсэн бөгөөд 22-ын товчооноос цааш 4.3 км замыг хааж түр зам гарган, 5 цэгт ус зайлуулах төмөрбетон 4 хоолой, 1 дөрвөлжин хоолой байрлуулах ажил хийгдсэн байна. Төмөр замын 396-р гармаас Сонсголонгийн уулзвар хүртэлх 1.0 км замын гэрэлтүүлгийн холболт, хашлага суурилуулах ажил хийгдэж байгаа юм байна. Нийт замын уртад далангийн дүүргэлт, дөрвөлжин хоолой угсралтын ажил хийгдэж байгаа бөгөөд ажлын явц 45 хувьтай байгаа аж.

- Сансарын ШТС-аас Дамбадаржаа хүртэлх 6.7 км авто зам барилгын ажлыг “НКВ интернэшнл холдинг” ХХК хийж гүйцэтгэж байна. Зорчих хэсгийн өргөн 9 м, явган хүний зам 2.25 м, 1 талдаа хос гэрэлтүүлэгтэй. Нийт замын уртад далангийн өргөсөлтийн ажил, замын трасст орсон шилжүүлэх шаардлагатай инженерийн шугам сүлжээнүүдийг шилжүүлэх ажлууд бүрэн хийгдсэн байна. Нийслэлийн Газрын Албатай хамтран 86 айлын газар чөлөөлөхөөс 79 айлын газрыг чөлөөлөөд байна. Зорчих хэсгийн өргөсгөх 1 м хэсгийн суурийн ажил хийж гүйцэтгэсэн аж. Техникийн нөхцлийн дагуу инженерийн шугам сүлжээний ажил бүрэн дуусчээ. /Өндөр хүчдэлийн 10000 кв-ийн 21 ш тулгуур шинэчилж зөөх, 35000 кв-ийн 4 ш тулгуур хураах, 0.4 кв-ийн 20 ш тулгуур зөөх өндөрлөх, газар доорх кабель шугам 350 м, өндрийн кабель 1000 м шинэчлэх зөөх ажлыг гүйцэтгэж хуучин гэрэлтүүлгийн 35 шон гэрэлтүүлгийг хурааж дүүрэгт хүлээлгэн өгсөн гэнэ. Ус зайлуулах хиймэл байгууламжийн ажил 9 цэгт хийгдэж байгаа бөгөөд нийт ажлын явц 36 хувьтай байгаа юм байна.

-Нийслэлийн замын сангийн хөрөнгө оруулалтаар хотын доторх 59 гудамж замд 1.25 тэрбум төгрөгийн 28098 м2 нөхөөс, засварын ажил хийхээр жагсаалт гаргажээ. Нийслэлийн Засаг даргын захирамжаар батлуулсан ажлуудыг 12 багц болгон нээлттэй тендер шалгаруулалт явуулж, шалгарсан 9 байгууллагатай нийт 1.17 тэрбум төгрөгийн гэрээ байгуулан ажиллаж байгаа аж.