Нийслэлд баригдаж байгаа чанаргүй, стандартад нийцэхгүй барилга байгууламжуудыг МХЕГ-аас нэрлэжээ. Тус газраас барилгын компаниудад ээлжит шалгалтаа хийжээ. Үүнд:  "Эко констракшн", "Голден парк" цогцолборын үйлчилгээтэй орон сууцны барилга, "Фүлиан" компанийн "Эрхэт", "Болор Од" ХХК-ийн 36 айлын орон сууцны барилга, "Би Эйч Энд" ХХК-ийн 43 айлын орон сууц, "Алтан трейд" ХХК-ийн захиалгаар "Хишиг хангай" ХХК гүйцэтгэж байгаа 70 айлын орон сууц, "Мөнх эвсэг" ХХК-ийн контор, зочид буудал, "Тэргүүн чансаа" компанийн үйлчилгээтэй 98 айлын орон сууц, "Аюуд" компанийн захиалгаар "Өрнө өрнөх" ХХК барьж буй контор, үйлчилгээний барилгууд шаардлага хангахгүй байна. Эдгээр барилгуудын арматур, даацыг стандартын дагуу бариагүй учраас газар хөдлөлтөд тэсвэргүй  гэж барилгын мэргэжилтнүүд дүгнэжээ.