Нийслэл Улаанбаатар хотын хэмжээнд анхны орон сууцны хорооллын зориулалттай баригдсан барилга бол тухайн үедээ хотын өнгө төрх, төв хэсгийг тодорхойлж байсан 40 мянгатын энэ барилгууд. Өөрөөр хэлбэл нийслэлийн гэх орон сууцны хороолол энд л бий болж, нийслэлийн гэх унаган хүн ам бүрэн утгаараа энд л төвлөрч эндээс төрөн гарсан гэхэд болно. Тухайн үедээ хотын чинээлэг бэлтэй хүмүүсийн орон сууц гэдгээрээ алдартай байсан  40, 50 мянгатын орон сууц өнөөдөр өвгөрч, хотын төв хэсгийн өнгө төрхийг доройтуулж байна гэх хүн олон байна. 1960-аад оны үед ашиглалтад орсон 40, 50 мянгатын энэ барилгуудыг хотын сүрийг хэтэрхий гутааж байна гэж үзээд, энэ жил хотын төсвөөс нэгтэрбум төгрөг гаргаж, нүүрэн хэсгийг нь будахаар болсон. Өөрөөр хэлбэл их дэлгүүрээс баруун дөрвөн зам хүртэл нүүрэн талдаа  байрлаж байгаа 15 орон сууцны пасадыг шинэчлэх ажил хийгдэж байна. Гэтэл будаад будаад ч өнгө орохоосоо өнгөрсөн, үеэ элээсэн энэ барилгуудад  ийм их хөрөнгө зарж, өнгөлөн далдлалт хийх шаардлага байна уу. Тэртээ тэргүй нүүрийг нь хичнээн будавч дотроо бол  хэзээ хэзээгүй нурах дөхсөн гэдгийг оршин суугчид нь хэлж байгаа юм. Үүнийхээ оронд нь 40, 50 мянгатын орон сууцны барилгын суурин дээр сүр нэмсэн  олон давхар хараа булаах барилга барьж болохгүй юм байх даа гэх хүн олон байна. Ойрын жилүүдэд л лав дөч, тавин мянгатын орон сууц энэ чигтээ л орших гэнэ. харин нүүрэн хэсгийг нь бүхэлд нь хүний нүдэнд аятайхан харагдах байдлаар энэ мэт засч тохижуулах юдм байна. нураагаад барилга барихад болохгүй чадахгүй гэх юм байхгүй. Хамгийн гол нь барилга барьчихлаа гэхэд халуун дулаан, тог гэрэл цахилгааны асуудлыг цогцоор нь шийдэх зайлшгүй шаардлага тулгарч байгаа юм байна. учир нь энэ л барилгатай цуг хийгдсэн халуун дулаан цахилгааны шугам хоолой үеэ илээж, өндөр барилга барилаа гэхэд хүчин чадал нь хүрэхгүй гэдгийг учирласан юм.