Мега төслийн тухай хууль шинээр батлах магадлалтай байна
Нийслэлийн Засаг даргын Эдийн засгийн хөгжил, дэд бүтцийн асуудал хариуцсан 1-р орлогч Т.Даваадалай болон төслийн нэгжийн удирдлагууд Улаанбаатар хотын танхимын гишүүд, бизнес эрхлэгчидтэй уулзаж Улаанбаатар хотод хэрэгжих мега төслүүд, түүнийг хэрэгжүүлэхэд тулгамдаж буй асуудлын талаар танилцуулж ярилцлаа.
Томоохон мега төслүүдийг хэрэгжүүлэхэд дотоодын компаниудын чадавхи хүрэлцэхгүй тул гадаадын томоохон төсөл хэрэгжүүлэгчдийг оролцуулах, хууль эрх зүйн орчныг шинэчлэх зайлшгүй шаардлагатай болж байна. Яаравчлья гэвэл Мега төслийн тухай хууль шинээр гарах магадлалтай байна.
Хэрэгжүүлэх мега төслүүдэд үндэсний барилгын гүйцэтгэгч, ханган нийлүүлэгч компаниудыг хэрхэн оролцуулах талаар ярилцаж, дотоодын компаниудын дээд боломж нөхцөлтэй уялдуулан оролцоог хангахаар боллоо.
Нийслэлийн түгжрэлийг нэмэгдүүлж байгаа Нарантуул, Да хүрээ, 100 айл зах худалдааны төвийг хотын баруун зүүн талд байршуулах газар шийдэгдэж байгаа тул энэ ондоо багтааж нүүлгэхээр төлөвлөж байгаа юм байна.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.