Зургаан хувийн хүүтэй орон сууцны зээл олгох зарчмын шийдвэр Засгийн газраас гараад удаагүй байгаа.

Энэ шийдвэртэй холбоотойгоор уг зээлийг ямар нөхцлөөр олгох талаарх журмыг боловсруулж байгаа юм байна. Орон сууцны санхүүжилтийн корпораци энэ журмыг боловсруулахын тулд холбогдох газруудаас санал авах ажлыг эхлүүлжээ Журмыг Сангийн яам, Зам тээвэр барилга хот байгуулалтын яам.

Нийслэлийн Засаг даргын Тамгын газрын тушаалаар батлах аж. Журам батлагдсаны дараа хэдий хэрийн орлоготой иргэдэд зээл олгох асуудал шийдэгдэх юм. Мөн хэчнээн хувийн урьдчилгаа төлөх нь ч тодорхой болох аж. Одоогийн байдлаар Зам тээвэр барилга хот байгуулалтын яам зээлийн урьдчилгаа төлбөрийг 10 хувь байвал зүгээр гэсэн байр зээлийн төлбөр урьдчилгаа төлбөрт шилжүүлэх яриа нэлээд эртнээс сонсогдсон.

Энэ талаар албаны түвшинд хэлэлцэж ярилцаж байгаа бололтой. Хөтөлбөрийг хэрэгжүүлэх зорилгоор Хөгжлийн банкнаас 800 тэрбум төгрөгийн бонд гаргаж, 213 тэрбумыг нь орон сууц, дэд бүтэц байгуулах ажилд зарцуулахаар болоод буй.

Гэхдээ санхүүжилтийн асуудал өнөөдрийг хүртэл тодорхой байдлаар шийдэгдээгүй байна. Хөтөлбөрийн хүрээнд 50 м квадратаас ихгүй талбайтай байрыг зээлээр авч болно гэсэн нөхцөл яригдаж байгаа гэнэ. Боловсруулагдаж байгаа журамд зөвхөн шинэ байр гэсэн заалт тусчээ. Тэгэхээр хөтөлбөрийн хүрээнд хуучин байр худалдан авах асуудал байхгүй аж.