Их чадлын хуримтлуур бүхий сэргээгдэх эрчим хүчний дэлхий дээрх анхны байгууламжийг . Арабын Нэгдсэн Эмират Улс (АНЭУ)-д ашиглаж эхэлснийг тус улсын эрх баригчид мэдэгдлээ. Энэхүү станц нь хэрэглэгчдийг цэвэр эрчим хүчээр 24 цагийн турш хангаж чадна гэж олон улсын “SolarQuarter” хэвлэл мэдээлсэн байна. 

Энэхүү өвөрмөц, цоо шинэ төслийг АНЭУ-ын Аж үйлдвэр, дэвшилтэт технологийн сайд, “Masdar” компанийн тэргүүн, доктор Султан Аль Жабер, Хөрөнгө оруулалтын сайд, ADQ группийн гүйцэтгэх захирал Мохамед Хассан Аль Сувайди нар танилцуулжээ. 

Өдөр шөнөгүй цэвэр эрчим хүчээр тасралтгүй хангаж чадахгүй байсан нь сүүлийн 10 жилд сэргээгдэх эрчим хүчний салбарт  учирч байсан хамгийн том саад байсан гэдгийг доктор Аль Жабер тэмдэглэн хэллээ.

Харин энэ томоохон төслийг хэрэгжүүлснээр сэргээгдэх эрчим хүчээр долоо хоногийн долоон өдөр, 24 цагийн турш тогтвортой хангадаг болж байна. Мөн сэргээгдэх эрчим хүчийг урьд өмнө хэзээ ч байгаагүй их хэмжээгээр буюу өдөр бүр 1 ГВт-ын эрчим хүч болгон хувиргадаг анхны станц болж байна. Ингэснээр сэргээгдэх эрчим хүчний салбарт асар том үсрэлт хийлээ гэдгийг онцолсон байна.