Хот төлөвлөгч, архитектор, архитектурын онол судлаач Моше Сафди нь Израйлын Хайфад 1938.07.14 нд Сири гаралтай айлд төрсөн бөгөөд 15 настайд нь гэр бүлээрээ Израйлаас Канадруу цагаачилж Монтреал хотод амьдарсан байна. 1955 онд МакГилийн их сургуулийн инженерийн тэнхимд 6 жилийн архитектурын хөтөлбөрөөр суралцсан ба 5 дахь жилдээ тэтгэлэг авчээ. Улмаар сургуульдаа магистрын зэрэг горилохоор үргэлжлүүлэн суралцсан ба судалгааны сэдэв нь хотын амьдралын асуудал болон барилгын модулын систем байв. Дипломын төслийн удирдагч нь алдарт архитектор Луйс Хан байсан бөгөөд анхны алдартай бүтээлээ туурвихад нь нөлөөлсөн байна.  

1970 онд Иерусалим хотод өөрийн оффисоо нээсэн нь 60 жил туурвих бүтээлээ эрчимтэй хийх эхлэл болж олон тооны зураг төсөл хийсэн байна. Одоо түүний архитектурын фирм Иерусалим, Торонто, Шанхай, Сингапурт үйл ажиллагаагаа явуулж байна. 

Тэрээр бүтээлдээ шинэ хэлбэр, шинэ технологи эрэлхийлэхийн зэрэгцээ байгалийн гэрэлтүүлгийг чухалчилж, архитектур нь газар бүрийн соёл, онцлог тусгасан байх ёстой гэж үздэг байжээ.  

Habitat 67. Канад, Монтреал, 1967 он

Энэхүү орон сууц нь 1967 онд Канадын Монтреал хотод зохиогдсон дэлхийн экспод зориулан барьсан барилга бөгөөд Моше Сафдигийн МакГилийн их сургуулийн магистрт сурч байхдаа хийсэн дипломын ажлын өөрчилсөн хувилбар юм. 

Тус бүр нь 11.7*5.3*3метрийн хэмжээтэй 354 блокоос бүрдэх бөгөөд хамгийн өндөр хэсэгтээ 12 давхар байна. 1-8 хүртэл блок өөрөөр зохиомжилж холбон харилцан адилгүй талбайтай 146 айлын сууц үүсгэжээ. Сууц бүр тусдаа террас, ногоон байгууламжтай байна. 

Энэ орон сууц нь Моше Сафдигийн уран бүтээлийн карьерын анхны барилга боловч орчин үеийн угсармал барилгын шинэ түүхийг олон улсад эхлүүлснээрээ онцлогтой. 

Агаарын зураглал

Угсралт 

Байгуулалт

Огтлол

Marina Bay sand. Сингапур, 2010 он.

Сингапурын нэрийн хуудас болсон энэхүү барилга нь амралт, аялал жуулчлалын цогцолбор бөгөөд хамгийн том атриумтай казино /500 суудал/, тус бүр нь 57 давхар 3 блок, 2500 өрөө бүхий зочид буудал, хурлын танхим, их дэлгүүр, шинжлэх ухааны музей, хүүхдийн тоглоомын төв, мөсөн гулгуур, усан бассейн, театр, ресторан зэрэг цогц бүрдэлтэй. Америкийн Лас Вегас сэнд корпорацийн эзэмшлийнх бөгөөд төсөвт өртөг дээрээ гацсан ч 2010 онд бүрэн дууссан байна. 

Skypark буюу алсыг харах террас-бассейн бүхий амралтын задгай блок нь 340м урт бол бассейн нь 150м урттай. 

Скайпарк нь стоунхэнжийг санагдуулах бөгөөд 14 тусдаа төмөр хийцээс бүрдэж 3 блокны угсралт дууссаны дараа барилгын дээд хэсгээр холбон барьсан байна.

Харагдах байдал

Скайпарк

Jewel Changi airport 2019.

Моше Сафди тэргүүтэй архитектурын фирм барилгаын инженерчилэл болон ландшафтын архитектурын фирмтэй хамтран бүтээсэн энэхүү онгоцны буудал нь Сингапурын зүүн хэсгийн Changi бүс дэхь Changi онгоцны буудлын 1-р терминалын өргөтгөл ба чөлөөт цаг, худалдаа үйлчилгээний хэсэгтэй юм. Улмаар терминалын зорчигчдын ирэх хэсэг, ачаа тээшний хэсгийн талбайг 70%  нэмэгдүүлсэн байна. Газрын төвшнөөс дээш 5, доош 7 нийт 12 давхар барилга юм. Дэлхийн хамгийн өндөр “барилга доторх хүрхрээ” болох Рэейн Фортекс/rain fortex/ энд байх ба 40 метрийн өндрөөс минут тутамд 37.850 литр ус унана. Мөн борооны усыг дахин эргэлдүүлж шахуургаар шахах системээр ажилладаг байна. 

Харагдах байдал

Дээврийн хэсэг

Огтлол

Рэейн Фортекс

National gallery of Canada

Канадын Оттавад байх энэхүү барилга нь анх 1880 онд эхлэл нь тавигдсан бол одоогийн барилга нь 1988 онд Моше Сафдигийн удирдлагаар дундад зууны готик дуганыг санагдуулах концепцтойгоор баригдсан байна.

Харагдах байдал

Kauffman center for performing arts. АНУ, Канзас, 2011 он.

Кофманы тайзны урлагийн төв. Балет ба дуурийн танхим 1800 хүний суудалтай, симфони найрал хөгжмийн танхим 1600 хүний суудалтай. 

Харагдах байдал

Үүдний хэсэг

Salt Lake city public library. АНУ, Солт Лейк, 2003 он.

Энэхүү нийтийн номын сан нь 5 давхар, 22.000м2 талбайтай /шилэн гэгээвч 1900м2/, 500.000 номтой, бетон ба шилэн фасад хослосон барилга юм. 

Шатласан ногоон дээвэр, хагас дугуйрсан нүүрэн тал, төлөвлөлтийн тэгш бус хэм нь давтагдашгүй хэлбэрийг үүсгэхээс гадна нарны шууд тусгал ба байгалийн гэрэлтүүлэгтэй бүрэн холбогдоно. 

Харагдах байдал

3-р давхрын байгуулалт 

Интерьер 

Sky habitat

Сингапур, 2015 он. Тус бүр нь 38 давхар 2 блок бүхий нийтийн орон сууцны барилга

Харагдах байдал

Хамгийн гайхалтай сэтгэл ханамж бол барилга нээлтээ хийж, олон нийт түүнийг эзэмшиж, барилга өөрийн амьдралын замналаа эхлүүлэхийг харах юм.-Моше Сафди