Минимал амьдралын хэв маягийг эрхэмлэх болсон өнөө цагт нэг эд хэрэгслийг хоёр зүйлд ашиглах нь түгээмэл. Үүний нэг тод жишээ бол шат болгон ашиглах боломжтой эвхэгддэг сандал юм. Гар доорх материалаар төвөггүйхэн хийх боломжтой арга хуваалцъя. 

    1.    Материалаа бэлдэх

Сандалд ашиглах модон хавтангуудын хэмжээ

Зураг дээрх хэмжээсийн дагуу материалаа бэлдэх бөгөөд ашиглах багаж нь эрэг шураг, эрвээхэй хэлбэрийн нугас, модон хавтан, өрөм ашиглана. 

Эрвээхэй нугас 

Сандлын урд ба ард талаас харагдах байдал

Сандлын эгц дээрээс харагдах байдал 

Сандлын хажуу талаас харагдах байдал. 

Шатны хажуунаас харагдах байдал

84 см өндөр, 40 см урт, 43 см өргөнтэй ба сандлын хөлний өндөр 42 см бана. түүний хоёр хуваасан хэмжээст 2 см  зузаантай 40х30 см харьцах хэмжээтэй хавтан тавих ба сандлаа эргүүлэхэд шатны тавцан болох юм. Сандлын түшлэгний өндөр 42,2 см өндөр ба түшлэг дээрх модны урт нь 20 см байна.  

1-р алхам. 

Сандлын хөл хийхдээ налуу модыг сандалын урд тулгуур модтой бэхлэх ба шураг мод ашиглана. 

Урд тулгуур модонд хажуугийн налуу мод бэхэлсний дараа гурвалжин тулгуур мод мөн адил бэхлэх ба энэ нь шат болгон ашиглахад хэрэгтэй. 

Хажуугийн налуу модны хэмжээс

Гурвалжин мод бэхэлсний дараа шатны тавцан байрлуулах хэмжээ авах. Сандлын хоёр хөл адил тэнцүү байх ёстойг анхаарна уу. 

Сандлын доод тавцан буюу шатны эхний тавцан нь 40х30см харьцаатай ба сандалын тулгуур хөлөнд бэхлэхдээ хавтангийн урд хөлийн тулгуурт бэхлэх хэсэгт уртаас 6см, налуу тулгуурт бэхлэх хэсгээс 7.8см хэмжээтэйг модны хөрөөгөөр хөрөөдөж авна. 7.8см хэмжээг хөрөөдөхдөө налуу тулгуур хөлд бэхлэх тул налуу авах ёстой ба эхний зураг дээрх хэмжээсийг сайтар нягтална уу. 

Сандлын доод тавцангийн хэмжээ                                          Сандлын дээд тавцангийн хэмжээ

Хавтанг хэмжээсийн дагуу бэхэлсний дараа эрэг шурагаар хөдөлгөөнгүй болгон өрөмдөнө.

Сандлын доод хавтанг байрлуулан хөдөлгөөнгүй болгох үүднээс эрэг шурагаар өрөмдсөн байдал

2-р алхам. Сандлын түшлэг хийх 

Сандлын түшлэг нь 63 см урт, хөндлөн мод нь 20см урттай, 34 см өндөр байх ба төмөр эрэг шурагаар бэхэлнэ. 6см өргөн, 25см урттай, 3см зузаан трапиц хэлбэрийн мод зурагт үзүүлсний дагуу сандлын түшлэгний доод хэсэгт бэхэлнэ. 

Сандлын түшлэгний доод хэсэгт бэхлэх трапиц хэлбэрийн модны хэмжээ

Сандлын тавцангийн дээрээс харсан план зураг

Сандлын тавцангаас 6см хэмжээг авч сандалын түшлэгт бэхэлж эрэг шурагаар хөдөлгөөнгүй болгоно. 

Сандлын түшлэгт тавцанг бэхлэн, трапиц хэлбэрийн модоор тулгуур хийсэн харагдах байдал

Эхний алхамын дагуу хийсэн сандалын хөл болон хоёрдугаар алхамын дагуу хийсэн сандлын түшлэгний харагдах байдал

Сандлын харагдах байдал ба түшлэгийг хойш нугалан шат болгон харагдах байдал

Сандлаа шат болгохын тулд 6см урт, 4см өргөн, 0.2 см зузаантай эрвээхэй хэлбэрийн нугас бэхлэхийн тулд бага зэрэг хөрөөдөж авна. 

Эрвээхэй нугас хийснээр сандал бэлэн болно. 

Бичлэг үзэх бол энд дарна уу.