Дулааны төлбөр зах зээлийн бодит үнэлгээндээ хүрч өсөлттэй нэмэгдэж чадалгүй олон жил алдангитай ажиллаж буйг албаны хүмүүс мэдэгдэж, өрхийн цахилгааны төлбөрийг 2024 оны арваннэгдүгээр сараас 30-85 хувиар, ус сувгийн төлбөр энэ оны эхнээс  25 хувиар нэмсэн.

Харин дулааны төлбөрийг таван сараас 85 хувиар нэмэх аж.  Тавдугаар сарын 1-15-ны хооронд хуваарийн дагуу орон сууц, аж ахуйн нэгж байгууллагын халаалт зогсдог бөгөөд энэ үед үнэ нэмж буй нь аж ахуй нэгж болон иргэдийг “ дасгах бодлого” гэсэн хардлагыг төрүүлж байна. Орон сууц, төвийн дулааны нэгдсэн сүлжээнд холбогдсон амины орон сууцтай өрхүүд, аж ахуйн нэгжүүд  есдүгээр сараас халаалт ирэхэд 85 хувийн өсөлттэй үнээр дулааны төлбөрөө төлж эхэлнэ. 

Үүнтэй холбоотой Монгол банкнаас гаргасан инфляцын тайланд Аж ахуйн нэгжүүдийн цахилгаан, дулааны үнэ нэмэгдэхэд инфляцад үзүүлэх  нөлөөг тусгасан ч үнэ эрчимжих эрсдэл үүсэж болзошгүй бөгөөд Төв банкны зорилтот түвшин буюу 6-8 хооронд барихад сөргөөр нөлөөлнө гэсэн таамаглалаа дэвшүүлжээ.