Пассив ба Нийтэд Хүртээмжтэй Монголын анхны Лаборатори Хауз
“Ирээдүйн хүртээмжтэй, эрчим хүчний хэмнэлттэй, хүн бүрт нээлттэй амьдрах орчны жишиг шийдэл”
Үндсэн мэдээлэл
• Байршил: Улаанбаатар хотын ойролцоо, зуслангийн бүс
Зорилго
Энэхүү байшин нь орчин үеийн хамгийн дэвшилтэт, хүртээмжтэй, эрчим хүчний хэмнэлттэй барилгын жишээг бий болгосон бөгөөд дараах үүргийг гүйцэтгэнэ:
- Гэр бүлийн амьдрах орчин: Энгийн айл өрхөд амьдрахад таатай, хэмнэлттэй, аюулгүй.
- Боловсролын талбар: Судлаачид, оюутнуудад зориулсан бодит туршилтын лаборатори – эрчим хүчний хэмнэлт, хүртээмжтэй дизайны шийдлүүдийг турших, суралцах боломж.
- Нийгмийн шийдэл: Хөгжлийн бэрхшээлтэй иргэд, өндөр настан, болон бусад тусгай хэрэгцээтэй хүмүүсийн амьдрах боломжийг бодитойгоор харуулж, хүртээмжгүй орчноос үүдэлтэй ялгаварлалтыг бууруулах санаачилга.
Төслийн онцлох концепциуд
1. Эрчим хүчний хэмнэлттэй технологи – Пассив Хауз:
“Эрчим хүч хэмнэсэн, байгальд ээлтэй орчин”
- Дулаан хадгалалт:
- Барилгын дулааны алдагдлыг хамгийн бага хэмжээнд барих зорилгоор Монгол Базальт болон Knauf брэндийн 40 см зузаан дулаалгатай ханатай.
- 3 давхар вакуум цонх: Нарны дулааныг ихээр шингээж, эргэж алдахгүй байх шийдэл.
- Цахилгаан халаалтын систем:
- Халаалтад хамгийн бага эрчим хүч зарцуулна (Монгол Улсын дундаж стандартаас 3-4 дахин бага).
- Цаашид сэргээгдэх эрчим хүчний системийг ашиглах боломжтой.
- Дизайн онцлог: Байшингийн урт нарийхан загвар нь нарны дулааныг хамгийн ихээр ашиглахад зориулагдсан.
2. Нийтэд хүртээмжтэй дизайн – Universal Design:
“Хүн бүрт адилхан оролцоотой, аюулгүй амьдрах орчин”
- Бүх насны бүлэгт зориулсан:
- Хөгжлийн бэрхшээлтэй иргэд, өндөр настан, шинэ ээжүүд зэрэг бүх хүмүүст зориулсан хүртээмжтэй шийдэл:
- Шатгүй байшин, босгоны өндөр 4 см-ээс хэтрэхгүй.
- Өрөөний хаалга, орох гарцын өргөн 90 см ба түүнээс дээш.
- 150 см-ийн эргэлтийн зай бүхий өрөө, угаалгын өрөө зэрэг нь тэргэнцэртэй болон асаргаанд зориулсан орчныг бүрдүүлсэн.
- Аюулгүй орчин: Галлах шаардлагагүй, цахилгааны аюулгүй систем.
- Нийгмийн үр нөлөө: Нийтийн хүртээмжийг дэмжиж, ялгаварлан гадуурхалтыг бууруулах, олон нийтэд эерэг нөлөө үзүүлэх орчин.
3. Living Lab буюу амьдрах орчин бодит туршилтын лаборатори:
“Туршлага, боловсрол, судалгаа, инновацийн орон зай”
- Судалгаа, туршилт: Оюутан, судлаачид хүртээмжтэй орчин, эрчим хүчний хэмнэлттэй барилгын шийдлүүдийг бодит орчинд судалж, туршиж, дүн шинжилгээ хийх боломж.
- Дотоодын болон олон улсын судлаачид, архитектуруудын хамтын ажиллагааг хөхиүлэн дэмжих боломжтой платформ.
- Сургалт, мэдлэгийн түгээх: Хүрээлэн буй орчинд тулгарч буй нийгэм, байгаль орчны асуудлуудыг шийдвэрлэх шинэ санаачилга, арга замыг боловсруулан түгээх.
Ач холбогдол
1. Байгаль орчинд ээлтэй, хэмнэлттэй шийдэл: Монгол Улсын эрс тэс уур амьсгалд тохирсон эрчим хүчний хэмнэлттэй технологийн шийдлийг амьдрал дээр нэвтрүүлнэ. Сэргээгдэх эрчим хүч ашиглах боломжийг дэмжинэ.
2. Нийгмийн оролцоог дэмжих загвар: Хүн бүрт адил оролцоотой, хүртээмжтэй орчин бүрдүүлж, олон нийтийн ухамсар, ойлголтыг нэмэгдүүлэхэд хувь нэмэр оруулна.
3. Эдийн засгийн үр өгөөж: Эрчим хүчний хэрэглээг багасгаж, өрхийн зардлыг бууруулахад дэмжлэг үзүүлнэ.
4. Боловсрол, судалгааны шинэ төв: Ирээдүйн архитекторууд, инженерүүд, эрдэмтэн судлаачдын мэргэжлийн ур чадварыг хөгжүүлж, шинэ мэдлэгийг бий болгоно.
4. Боловсрол, судалгааны шинэ төв: Ирээдүйн архитекторууд, инженерүүд, эрдэмтэн судлаачдын мэргэжлийн ур чадварыг хөгжүүлж, шинэ мэдлэгийг бий болгоно.
Энэхүү төслийг хэрэгжүүлснээр Монгол Улсад орчин үеийн хүртээмжтэй, хэмнэлттэй, ухаалаг барилгын шинэ жишиг тогтоож, олон нийтэд хүртээмж, эрчим хүчний хэмнэлтийн талаар мэдлэг түгээхэд чухал ач холбогдолтой юм.
Илүү дэлгэрүүлэх бол: https://www.facebook.com/PassiveInclusiveLabHouse