Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэн барилгын салбарт холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө мэдээлэл бэлтгэн хүргэдэг Барилга МН сэтгүүлийн 2025 оны нэгдүгээр сарын шинэ дугаар уншигчдадаа хүрлээ.

Энэ сарын дугаарын нүүр хуудсанд Кингс Монголиа ХХК хамтран ажиллалаа. 

 176 дахь дугаарт гарсан онцлох булангуудаас танилцуулбал, 

VIP ЗОЧИН: 

Өнөө үед бидний өмнө тулгарч буй байгаль орчны сорилтууд урьд урьдынхаас ч яаралтай шийдлийг шаардаж эхэлсэн бөгөөд үүнийг дагаад ногоон барилгыг бий болгохын тулд олон улсад инновац шингэсэн дэвшилтэт технологиуд хурдацтай хөгжсөөр байна. Үүний нэг тод жишээ бол Kingspan компанийн QuadCore технологи юм. Тиймээс энэ удаагийн дугаартаа Kingspan Insulated Panels компанийн MEATCA бүсийн дэд ерөнхийлөгч, химийн ухааны доктор Суат Кироглу -ийг урьж ярилцлаа. 

НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Монголын түүхэн дурсгалт барилга, архитектурын дурсгалын өнөөгийн байдал” цувралын хамгийн эхний нийтлэлээр “Сангийн Далай хийд” I хэсгийг хүргэж байна. 

АРХИТЕКТУР ДИЗАЙН: 

Барилга МН сэтгүүлийн уг булангаар дэлхийн өнцөг булан бүрт буй шинэ содон хийц бүхий, дэвшилтэт технологи, эрчим хүчний хэмнэлттэй зэрэг түүхэн болон орчин үеийн олон барилгуудыг сорчлон хүргэдэг билээ. Тэгвэл оны энэ удаагийн дугаарт хот төлөвлөгч, архитектор, архитектурын онол судлаач Моше Сафдигийн бүтээсэн барилгуудыг хүргэж байна. Тэрбээр бүтээлдээ шинэ хэлбэр, шинэ технологийг эрэлхийлэхийн зэрэгцээ байгалийн гэрэлтүүлгийг чухалчилж, архитектур нь газар бүрийн соёл, онцлогийг тусгасан байх ёстой гэж үздэг байжээ. 

СУДАЛГАА

Барилга бүтээн байгуулалт нь улс орны нийгмийн хөгжил, эдийн засгийн өсөлтөд чухал үүрэг гүйцэтгэдэг бөгөөд хотуудыг холбосон зам, гүүр, далан, нүхэн гарц, барилга байгууламж болон бусад дэд бүтэц байгуулах нь орчин үеийн улс, хотыг үүсгэн байгуулах үндэс суурь юм. Тиймээс манай улсын барилгын материалын импортыг орлох дотоодын үйлдвэрлэлийн өнөөгийн байдал, дотоодын хэрэгцээг хангаж буй эсэх судалгааг Барилга МН сэтгүүлээс уншаарай.  

ТОДРУУЛГА 

“Эд хөрөнгийн эрхийн улсын бүртгэлийн тухай хууль”-ийн зарим зүйл заалтыг өөрчлөн эд хөрөнгө эзэмшигч нь үл хөдлөх хөрөнгөө худалдан борлуулахдаа анх авсан үнээс хямдруулан худалдахыг хориглосон талаар хуульч О.Батхүүгээс тодрууллаа. 

ХӨНДӨХ СЭДЭВ 

Барилгын салбарын аж ахуй нэгж байгууллагуудад тусгай зөвшөөрөл олгох, тулгамдаж буй асуудлын талаар өнөөгийн нөхцөл байдал, тулгамдаж буй асуудал, төр засгаас авах арга хэмжээний талаар  Барилга МН сэтгүүлийн Хөндөх сэдэв булангаас уншаарай. 

Мөн та Барилга МН сэтгүүлээс шинэ орон сууцны үнэ ханш болон барилгын материалын үнэ ханшийн судалгаа зэргийг уншаарай. 

СЭТГҮҮЛ ЗАХИАЛАХ 

Онлайн унших: Номын сан

Утас: 9100-0233, 7711-3333