Хөдөлмөр, нийгмийн түншлэлийн гурван талт үндэсний хорооны 2024 оны 10 дугаар сарын 07-ны өдрийн 03 дугаар тогтоолоор Хөдөлмөрийн хөлсний доод хэмжээг 20%-аар нэмэгдүүлж, 792.0 мянга төгрөгөөр тогтоосон.

Энэхүү тогтоол нь 2025 оны 04 дүгээр сарын 01-ний өдрөөс эхлэн хэрэгжиж эхлэх бөгөөд хөдөлмөрийн хөлсний доод хэмжээ өөрчлөгдөж буйтай холбоотойгоор НДШ-ийн төлөх доод хэмжээ 106.920 төгрөг болох юм.

Харин сайн дурын даатгуулагчид 2025 оны 3-р сарын 31-нийг хүртэл нийгмийн даатгалын шимтгэлийн хувь хэмжээгээ хөдөлмөрийн хөлсний доод хэмжээ 660.0 мянган төгрөгөөс тооцуулан шимтгэлээ төлнө хэмээн Нийгмийн даатгалын ерөнхий газраас мэдээллээ.

2023 онд 550 мянга, 2024 оны нэгдүгээр сарын 1-ний өдрөөс эхлэн улсын хэмжээнд мөрдөх хөдөлмөрийн хөлсний доод хэмжээг 660,000 төгрөг байхаар тогтож байсан юм.