Монголын Барилгын Үндэсний Ассоциаци ТББ нь “Барилга байгууламжийн зураг төсөл боловсруулах, барилгын ажил гүйцэтгэх, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх хуулийн этгээдэд тусгай зөвшөөрөл олгох” үйл ажиллагааг Барилга, Хот Байгуулалтын Сайдын 2023.05.30-ны өдрийн 131 дүгээр тушаалын үндсэн дээр салбарын бусад ТББ-уудын түншлэлийн хамтаар гүйцэтгэж байна.

Монголын Барилгын Үндэсний Ассоциаци ТББ-ын Ерөнхийлөгчийн Т-18/02 дугаар тушаалаар Ажлын албаны дэргэд Барилгын үйл ажиллагааны тусгай зөвшөөрлийн хэлтсийг 2018.02.09-ний өдөр байгуулсан бөгөөд тус хэлтэс нь өөрийн “Нэг цэгийн үйлчилгээний төв”-өөр дамжуулан 2018 онд 2200, 2019 онд 2200 гаруй, 2020 онд 2340 гаруй, 2021 онд 2600 гаруй, 2022 онд 3200 гаруй, өнгөрсөн онд 6500 гаруй аж ахуйн нэгж, байгууллага, иргэдэд үйлчлэв.

Барилгын үйл ажиллагааны тусгай зөвшөөрөл олгохдоо дараах хууль тогтоомжийг баримтлан олгож байна

    ●    БҮАТЗ /Барилгын үйл ажиллагааны тусгай зөвшөөрөл/ олгоход 

    ●    Аж ахуйн үйл ажиллагааны тусгай зөвшөөрлийн тухай хууль,

    ●    Барилгын тухай хууль 

    ●    Барилга хот байгуулалтын сайдын “Аргачлал батлах тухай” 33 дугаар тушаал,

    ●     2021.06.15-ны өдрийн “Барилгын салбарын мэргэжилтэн болон хуулийн этгээдийн бүртгэл хөтлөх, шинэчлэх, мэдээллийг мэдээллийн санд байршуулах, мэдээллээр хангах ажлыг зохион байгуулах журам” 139 дүгээр тушаал, 

    ●    2021.06.25-ны өдрийн “Барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх тусгай зөвшөөрөл олгох, үйлчилгээний хөлс тогтоох, тэдгээрт хяналт тавих” 147 дугаар тушаал,

    ●    2021.09.28-ны өдрийн “Барилга байгууламжийн төвөгшлийн ангилалд хамаарах зориулалт, хүчин чадлыг тогтоох журам” 211 дүгээр тушаал,

    ●    2022.08.29-ний өдрийн “Журамд нэмэлт өөрчлөлт оруулах тухай” 182 дугаар тушаал, 2022.11.10-ны өдрийн “Барилгын үйл ажиллагаанд холбогдсон зөвшөөрөл олгох хүсэлтийг цахимаар хүлээн авч шийдвэрлэх болон барилгын салбарт нэг цэгийн үйлчилгээ үзүүлэх журам” 228 дугаар тушаалаар батлагдсан журмуудыг мөрдөн ажиллаж байна.2018 онд нийт 39 удаагийн хурлаар 2187, 2019 онд 45 удаагийн хурлаар 1962, 2020 онд 45 удаагийн хурлаар 1640, 2021 онд 26 удаагийн хурал, 20 удаагийн баталгаажуулалтаар 1596, 2022 онд 48 удаагийн баталгаажуулалтаар 1200, 2023 онд 50 удаагийн баталгаажуулалтаар 1641, 2024 оны 10 дугаар сарын 31-ний өдрийн байдлаар 43 удаагийн баталгаажуулалтаар 1721 аж ахуйн нэгж, байгууллагын материалтай танилцаж, дүрэм, журмын дагуу шийдвэр гаргав.

БҮАТЗ-тэй холбоотой “Барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх тусгай зөвшөөрөл олгох, тэдгээрт хяналт тавих, барилгын үйл ажиллагаа эрхлэх тусгай зөвшөөрөлтэй аж ахуйн нэгжид тавих шаардлага, бүртгэх журам”-ын дагуу барилгын тусгай зөвшөөрөл хүссэн давхардсан тоогоор 4893 аж ахуйн нэгж, байгууллагын өргөдөл материалыг хүлээн авч судлан 43-ыг нь баталгаажуулсан.  

2024.10.30-ны өдрийн байдлаар 43 удаагийн баталгаажуулалтаар БҮАТЗ хүссэн нийт 1721 ААНБ-ын өргөдөл материал хянаж, баталгаажуулалт хийснээс сунгасан 86, шинээр 1143, нэмэлтээр 468, дахин 24 ААНБ-д БҮАТЗ олгов. Эдгээр 43 удаагийн баталгаажуулалтаар давхардсан тоогоор 3170 ААНБ-ын материалыг шаардлага хангаагүй учраас буцаав. Хаяж, үрэгдүүлсэн болон бусад шалтгаанаар 24 ААНБ-д БҮАТЗ олгосноос, барилга угсралтаар 20, зураг төсөл боловсруулахаар 3, өргөх байгууламжаар 1 аж ахуй нэгж байгууллага тус тус байна.  

Сунгасан 86 ААНБ-д БҮАТЗ-өөс Барилга угсралтаар 59, Зураг төсөл боловсруулахаар 24, өргөх байгууламжаар 3 ААНБ байна.

Шинээр 1143 ААНБ-д БҮАТЗ олгосноос: Барилга угсралтаар 937, Зураг төсөл боловсруулахаар 171, өргөх байгууламжаар 35 ААНБ байна.

Нэмэлтээр 468 ААНБ-д БҮАТЗ-ийн ажилбар нэмж олгосноос: Барилга угсралтаар 383, Зураг төсөл боловсруулахаар 82, өргөх байгууламжаар 3 ААНБ-ын хүсэлтийг баталгаажуулсан байна. 

2024.10-р сарын байдлаар Барилгын үйл ажиллагааны тусгай зөвшөөрөл олгосон байдал:

2024.10.31-ний өдрийн байдлаар Барилгын үйл ажиллагааны тусгай зөвшөөрөлтэй 5294 аж ахуй нэгж байгууллага үйл ажиллагаа явуулж байна. Барилга, байгууламжийн зураг төсөл боловсруулах, барилгын ажил гүйцэтгэх, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх тусгай зөвшөөрөл”-ийг шинээр авах, нэмэлт ажлын төрөл авах, сунгуулсан тухай тодорхойлолт хүссэн 564 хүсэлт, өргөдөл гомдлыг бүртгэн хүлээж авсан. Үүнээс тодорхойлолт хүссэн 282, мэдээлэл хүргүүлэх тухай болон бусад төрлөөр 282 албан бичиг ирсэн байна. 

 2024 оны 10-р сарын байдлаар 564 тооны өргөдөл гомдол хүлээн авчээ

Монгол Улсын Засгийн газрын “Нээлттэй өгөгдлийн нэгдсэн портал”-д нийтлэх БҮАТЗ эзэмшигч хуулийн этгээдийн мэдээллийг холбогдох хууль тогтоомжид нийцүүлэн гаргаж ХББОСЯ-нд хүргүүлсэн. Улсын бүртгэлийн ерөнхий газрын opendata.burtgel.gov.mn сайтад БУ: 4,277, ЗТ: 857, ӨБ: 160 ААНБ-ын буюу нийт 5,294 ААНБ-ын мэдээллийг нээлттэй 36 удаа байршууллаа.

БҮАТЗ-тэй ААНБ-уудын мэдээллийн санг үүсгэн www.mcis.gov.mnсайтын “Холбогдох бичиг баримт хэсэг”-т нээлттэй байршуулсан бөгөөд БУ: 4,277, ЗТ: 857, ӨБ: 160 ААНБ-ын буюу нийт 5,294  ААНБ-ын мэдээллийг 45 удаа орууллаа.

Цахим хөгжил, харилцаа холбооны яамны тусгай зөвшөөрлийн цахим системд БУ-1,414, ЗТ-280, ӨБ-43 ААНБ-ын мэдээллийг 34 удаа явуулж ажилласан байна.

Барилга байгууламжийн зураг төсөл боловсруулах, барилгын ажил гүйцэтгэх, барилгын материалын үйлдвэрлэл, өргөх байгууламж,түүний эд ангийн үйлдвэрлэл, угсралт, засвар үйлчилгээ эрхлэх тусгай зөвшөөрөл олгох, тэдгээрт хяналт тавих, барилгын үйл ажиллагаа эрхлэх тусгай зөвшөөрөлтэй аж ахуйн нэгж, байгууллагад тавих шаардлага, бүртгэх журам”-ын дагуу барилгын тусгай зөвшөөрөл авахаар хүсэлт ирүүлсэн 1,721 аж ахуйн нэгж, байгууллагын инженер, техникийн ажилтны материалыг шалган, 11,245 инженер техникийн ажилтнуудыг баталгаажуулав. 

Хот байгуулалт, Барилга, Орон сууцжуулалтын яамны сайдын тушаалыг үндэслэн 1693 ААНБ-тай гэрээ байгуулж, Засгийн газрын “Улсын тэмдэгтийн хураамжийн хувь, хэмжээг тогтоох 1,575,750,000 төгрөгийн улсын тэмдэгтийн хураамжийг Чингэлтэй дүүргийн татварын дансанд төвлөрүүлж, энэ оны аравдугаар сарын байдлаар үйлчилгээний хөлсөнд 1,721 аж ахуйн нэгж, байгууллагаас 1,024,560,000 төгрөгийг Худалдаа хөгжлийн банкны 431006029 тоот дансанд төвлөрүүлэн ажиллав.

2024.10.31-ний Хот байгуулалт, Барилга, Орон сууцжуулалтын сайдын 43 удаагийн тушаалыг үндэслэн нийт 1524 үнэт цаасанд бичилт хийж баталгаажуулав.