Хүүхэд насны дурсамж, гоо сайхны мэдрэмж гээд янз бүрийн зүйлс бидний интерьер дизайны сонголтод нөлөөлдөг билээ. Тэгвэл Modsy интерьер дизайны тавцан хэрэглэгчдийнхээ дунд нэгэн сонирхолтой судалгаа явуулжээ. Тэд хүмүүсээс дизайны холбогдолтой янз бүрийн асуулт асуун, насны ангиллаас хамааран интерьер дизайны сонирхол ба мэдрэмж нь хоорондоо хэр их ялгаатай болохыг олж тогтоосон байна. 

Шинэ мянганыхан (18-34 нас)

Шинэ мянганыхан буюу 18-34 насныхан ихэвчлэн минимал, модерн, 1950-аад оны интерьер дизайныг илүүд үздэг болох нь тогтоогджээ. Ингэх шалтгаан ч тэдэнд бий. Дизайны түүхийн профессор Алессандра Вудын үзэж буйгаар шинэ мянганы залуус ихэвчлэн талбай жижигтэй орон сууцад амьдардаг. Тиймээс тэдний хувьд илүү дутуу зүйлгүй, минимал дизайн сонгох нь зайлшгүй шаардлага болдог байна. Мөн түүнчлэн 1950-аад оны дизайнтай тавилга нь зай бага эзлэхийн зэрэгцээ тав тухтай, загварлаг орчин бүрдүүлдэг аж. Сүүлийн үед үйлдвэрлэлийн дизайн тренд болж байгаа учир залуус лофт маягийн байранд амьдрах хандлагатай болжээ.

"Baby boomers" (55-65 нас)

Ахмад үеийнхэн хуучинсаг бөгөөд мэдрэмжтэй интерьер дизайнтай байшинд амьдардаг байна. Өөрөөр хэлбэл "baby boomers"-үүд хамгийн түрүүнд тав тухыг эрхэмлэдэг учраас голчлон сонгодог хэв маягтай интерьер засал сонгодог байна. Тиймээс тэд футурист өнгө аястай, хурц өнцөгтэй тавилга сонгох нь тун юм. 

"Z" үеийнхэн (1998 оноос хойш төрсөн хүмүүс)

"Z" үеийнхэн зөвхөн хувийн зан чанар гэлтгүй мөн интерьер дизайны мэдрэмжээрээ "baby boomers"-үүдтэй төстэй байдаг. "Z" үеийнхний ачаар интерьер дизайны салбарт дулаан уур амьсгалтай сонгодог хэв маяг эргэн ирж байгаа гэж Алессандра Вуд онцолжээ.