Барилгын салбарын байгууллагуудын хамгийн их идэвхитэй энэ үед салбарын компаниудад чиглэсэн мэдээлэл болон тэдний материал бүтээгдэхүүнийг суртачлах чиглэлээр олон төрлийн үйл ажиллагаа явуулдаг билээ.

     Өнөөдөр үүний нэг илрэл болгон “Барилга.МН” БЗМТөвөөс “Барилга Экспо- 2011” олон улсын үзэсгэлэн яармагийн үеэр компаниуд ямар байдлаар яаж оролцох, Олон улсын гэдэг тодотголыг гаргахын тулд ямар үйл ажиллагаа зохион байгуулах гэж байгаа тухайгаа мэдээлэл хийлээ. Энэ удаагийн үзэсгэлэн яармагт Швейцар, Хонг Конг, Тайвань, Орос гээд дэлхийд барилгаараа тэргүүлэгч улсаас барилгын чиглэлийн компаниуд оролцож байгаа гэдэг утгаараа үзэсгэлэнг зохион байгуулагчдын зүгээс ихээхэн анхаарал хандуулан, ач холбогдол өгч ажиллаж байгаагаа танилцууллаа.

     Мөн үүнээс гадна “Мэдлэгт дусал нэмэр” болгон “Интернет маркетинг” сэдвээр “Барилга.МН” БЗМТөвийн захирал Г. Батсүх, “Барилга.МН” БЗМТөвийн менежер Д. Цэвэлсүрэн “Интернет маркетинг ба Барилга.МН” сэдвээр компаниудын төлөөлөгчдөд бэсрэг сургалт, мэдээлэл өглөө.