Ипотекийн зээлийг 80 биш 50 метр квадрат талбайтай орон сууцанд олгохоор болжээ
2025 онд ипотекийн зээлийн санхүүжилт 500 орчим тэрбум төгрөгөөр нэмэгдэж 1.2 их наяд төгрөг олгохоор болсон билээ.
Анх удаа байр худалдаж авч буй иргэнд 80 хүртэлх метр квадрат талбайтай орон сууцыг ипотекийн зээлээр авч болохоор заасан байдаг.
Тэгвэл 2025 оноос орон сууцны хэмжээг багасгаж, 50 метр квадрат хүртэлх талбайтай орон сууц авах иргэнд олгохоор болжээ.
Ингэснээр уг зээл зорилтот бүлэгтээ очно гэж БХБОСЯ-ны сайд Ж.Батсуурь үзэж буйгаа онцолжээ. Үүний зэрэгцээ ипотекийн зээлийг Улаанбаатараас орон нутаг руу шилжиж буй иргэдэд, аймагт тогтвортой ажиллаж буй хүмүүст олгосноор Улаанбаатар хотын хэт төвлөрөл, утаа, түгжрэл зэрэг асуудлууд шийдэгдэх бүрэн боломжтой болох гэнэ.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.