“The Mori Memorial Foundation’s Institute” байгууллагаас дэлхийн шилдэг хотуудын жагсаалтыг гаргалаа. Тус жагсаалтыг Лондон тэргүүлж, Нью-Йорк, Токио хотууд удаалсан бөгөөд эдгээр гурван хот сүүлийн хэдэн жилд яг ийм дарааллаар тэргүүлж байна. 

Дэлхийн хүчирхэг хотуудыг шалгаруулахдаа эдийн засаг, байгаль орчин, судалгаа-хөгжил, соёлын харилцаа, амьдрах нөхцөл, зам, тээвэр зэрэг зургаан хүчин зүйлд үндэслэдэг. 

Жил бүр шилдэг 42 хотыг жагсаадаг бөгөөд Парис, Сингапур, Амстердам, Сөүл, Дубай, Мэльбурн, Берлин хотууд эхний аравт багтсан байна. Өнгөрсөн жил 11 дүгээрт эрэмбэлэгдэж байсан Дубай хот анх удаагаа шилдэг аравт багтлаа.