Монголын Барилгын Үндэсний Ассоциаци ТББ-ын 15 жилийн ой ёслол төгөлдөр боллоо
МБҮА ТББ үүссэний 15 жилийн ой арванхоёрдугаар сарын 7-нд боллоо. МБҮА ТББ нь барилгын төсөл хөгжүүлэгч, гүйцэтгэгч, архитектур зураг төсөл зохиогч, барилгын ханган нийлүүлэгч, зөвлөх үйлчилгээний компаниуд, материал үйлдвэрлэгчид, үл хөдлөх хөрөнгийн борлуулалт зэрэг 200 орчим гишүүн компаниудаас бүрдсэн 100 мянган ажлын байр бий болгожээ.
МБҮА ТББ-ын зорилт нь улс үндэснийхээ хөгжлийн зорилттой нэгдмэл, органик холбоотой байж бодитоор хувь нэмэр оруулах, олон айл, байгууллагуудыг орон байр, ажиллах орчин амар түвшин ажиллаж, амьдрах боломж бүрдүүлэх явдал юм. Нэг үгээр хэлбэл бидний зорилт бол Монгол Улсын хөгжил дэвшил гэж үздэг.
Бид өнгөрсөн 15 жилийн хугацаанд хөгжлийн стратеги төлөвлөгөө гарган ажиллаж гишүүд, салбарын төрийн болон төрин бус байгууллагуудтай хамтран үр дүнтэй ажилласан байна. Барилгын бизнесийн орчныг сайжруулах, зөвшөөрлийн тогтолцоог хялбаршуулах ажлыг манлайлан ажилласны үр дүнд тусгай зөвшөөрөлтэй холбоотой асуудлыг төрийн бус байгууллагуудаар гүйцэтгүүлэхээр шийдвэрлүүлэн 7 дахь жилдээ салбарын зургаан холбоодтой хамтран амжилттай гүйцэтгэж байна. Өнөөдрийн байдлаар тусгай зөвшөөрөл олгох ажил бүрэн цахимжиж, ажлын 5-7 хоногт БҮАТЗ авах боломж бүрдсэн байна.
Ази болон Баруун Номхон Далайн Орнуудын Гэрээлэгчдийн Ассоциациудын Олон Улсын Нийгэмлэгийн Удирдах зөвлөлийн гишүүнээр 5 дахь жилдээ ажиллаж, олон талт хамтын ажиллагааны үр дүнд эдгээр байгууллагуудын дэмжлэгтэйгээр Олон Улсын Зөвлөх Инженерүүдийн Холбооны түншлэгч гишүүнээ ажиллаж байна. Үүний үр дүнд Барилга Дэд Бүтцийн Олон Улсын Арбитрын эрх авч үйл ажиллагаагаа эхлүүлэхэд бэлэн боллоо.
Ойн арга хэмжээгээр тус байгууллагад санхүү болоод цаг зав, сэтгэл зүрхээ гарган мөр зэрэгцэн яваа Эко Констракшн ХХК, Эс Ди Инженеринг Энд Констракшн ХХК, НБИК ХХК, Эрчим Инженеринг ХХК, Бодь Интернэшнл ХХК, Заг Групп ХХК нарт "Ерөнхийлөгчийн нэрэмжит шагнал" гардууллаа. Мөн Хот байгуулалт, барилга, орон сууцжуулалтын яамны "Тэргүүний барилгачин" цол тэмдэгээр Ажлын албаны ажилтан Б.Отгонгэрэл, жуух бичгээр А.Гантуул нарыг тус тус шагналаа.
Бидний урилгыг хүндэтгэн хүлээн авч хүрэлцэн ирсэн
- Х.Баделхан БХБ-ын сайд асан
- Өргөн тээвэрлэх машин төхөөрөмж үндэсний холбооны Тэргүүн Н.Ганболд
- Монголын Барилгын Инженерүүдийн Холбооны Ерөнхийлөгч Б.Гантулга
- Монголын Барилгын Зураг Төсөл Зохиогчдын Холбооны Ерөнхийлөгч Я.Сумхүү
- Монголын Барилгын Инженер Геологичдын Холбооны Тэргүүн Л.Ганзориг
- Монголын Барилгын Төсөвчдийн Холбооны Тэргүүн Ү.Банди
- Монголын Барилгын Гүйцэтгэгч Байгууллагуудын Холбооны Ерөнхийлөгч Ц.Эрдэнэбат
- Г.Мягмар Барилгын хөгжлийн үндэсний нэгдсэн төвийн ТУЗ-ын дарга
- Р.Шагдаррагчаа Барилга корпораци ХХК
- Б.Жүгдэр Улаанбаатар барилга
- Ц.Амарсанаа Улаанбаатар дулааны сүлжээ ТӨҮГ-ын Гүйцэтгэх захирал
- төхөөрөмж үндэсний холбоо
- Ц.Эрдэнэбат Монголын барилгын гүйцэтгэгч байгууллагуудын холбоо
- Жэрэс ОУТББ-ын Монгол дахь Суурин төлөөлөгчийн үүргийг түр орлон гүйцэтгэгч Квинтин Морро
- Б.Ганзориг МБҮА ТББ-ын Үүсгэн байгуулагч
- Я.Батцэцэг Ажлын албаны анхны Гүйцэтгэх захирал, Б.Бямбажав, Д.Цэнд болон барилга, бүтээн байгуулалтын салбарын хамт олны төлөөлөл та бүхэндээ МБҮА ТББ байгууллагдсаны 15 жилийн ойн баярын мэндийг хүргэе!
Болор
Сувд-Эрдэнэ
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.