Лифт бол дэлхий нийтийн хамгийн өргөн хэрэглээний нэг бөгөөд технологийн шинэчлэлт хурдацтай явагдахын хэрээр инновац шингэсэн, нарийн инженерчлэл бүхий лифтнүүд олон улсын зах зээлд нийлүүлэгдсээр байна. Тиймээс олон улсын өргөн тээвэрлэх салбартаа хамгийн нэр хүндтэй брэндүүдийн нэг болох Европын KLEEMANN брэндийн Ази-Номхон далайн бүсийг хариуцсан менежер Pablo Lafuente-ыг Монгол Улсад хүрэлцэн ирсэн богино хугацаанд нь уулзаж ярилцлаа.

-KLEEMANN лифт нь аль хэдийн Монголын зах зээлд найдвартай, чанартай брэнд гэдгээрээ танигдсан. Энэ талаар таны бодол?

-KLEEMANN брэнд Монголын зах зээлд албан ёсоор нэвтрээд 5 жилийн хугацаа өнгөрчээ. Энэхүү ойг тохиолдуулан Монголд хүрэлцэн ирж “BARILGA EXPO” олон улсын барилгын үзэсгэлэнгээр дамжуулан бүтээгдэхүүн үйлчилгээгээ танилцуулж байгаадаа баяртай байна. KLEEMANN брэнд нарийн технологи, өндөр стандарт, чанараараа ялгарч Дельта Лифт компанитайгаа илүү мэргэжлийн түвшинд хамтран ажиллаж зах зээлээ өдрөөс өдөрт тэлж байгаа маань бидний хамтын ажиллагааны үр дүн юм. Эдгээр үнэ цэнийг хамтдаа бүтээж, хэрэглэгчдэдээ тууштай хүргэхийн төлөө бид хамтдаа хичээн ажилласаар байх болно.

-KLEEMANN брэндийн олон улсын зах зээлийн талаар бидэнд товч танилцуулаач? Сүүлийн жилүүдэд Азийн улс орнуудад зах зээлээ тэлэхээр ажиллаж байгаа шалтгаан нь юу вэ?

-KLEEMANN групп нь 1983 онд Грек улсад байгуулагдсан бөгөөд 41 жилийн туршид Европ болон дэлхийн 100 гаруй улсад салбар компаниудтай болж өргөжсөн. Манай компани орон сууц болон олон нийтийн барилга байгууламжийн лифт, хүнд ба хөнгөн ачааны лифт, өргөх механизм, урсдаг шат, усан онгоцны лифт зэрэг бүтээгдэхүүн үйлдвэрлэж, зах зээлд нийлүүлдэг. Одоогоор борлуулалтаараа олон улсын нийт бараа эргэлтийн 90 орчим хувийг эзэлж байгаа бөгөөд Грек, Серби, Хятад зэрэг улсуудад үйлдвэрээ нээж, Их Британи, Франц, Герман, Австрали, АНУ зэрэг томоохон зах зээлд үйл ажиллагаа явуулж байна.

-Бусад брэндээс ялгарах давуу тал онцлогийг нэрлээч?

-Бусад брэндээс ялгарах гол онцлог бол тав тухтайгаар дээд зэргийн хурдан хүргэлт, аюулгүй байдал, дэлхийн жишигт нийцсэн тусгай дизайнаараа давуу талтай. Мөн лифтнэ үйлдвэрлээд угсарсны дараа чанарын тестийг хийдэг. Чанарын шаардлага хангасан лифтээ буцаж задлаад хайрцаглан үйлчлүүлэгч нартаа хүргэдэг. Өөрөөр хэлбэл хэрэглээнд гаргахаас өмнө дахин дахин туршилт хийж баталгаажуулдаг гэсэн үг. 

Өдөр бүр дэлхий даяар шинэ шинэ технологиуд нэвтэрч үүнийг дагаад хэрэглэгчдийн хүсэл шаардлага нь өөрчлөгдсөөр байна. Тийм болохоор хэрэглэгч, харилцагчийн хүсэл шаардлагад тулгуурлан технологийн хувьд шинэ шийдлийг санал болгож, бүтээгдэхүүний хөгжүүлэлтийг байнга хийдэг учраас уян хатан инженеренгийн шийдэлтэй гэдгээрээ ялгардаг. 

-Тусгай дизайны талаар тодруулмаар байна? 

-Ихэнх лифтний бүхээг буюу кабин хайрцаг шиг тэгшхэн дөрвөлжин байдаг бол Kleemann хувьд онцгой дизайн, өвөрмөц орон зайг санал болгодог. Энэ нь тухайн барилгын нэг үнэ цэн нь болж байдаг. 2007 оноос хойш манай үйлдвэрийн дизайнераар BMW, Subaru машины загварыг зохион бүтээсэн алдартай дизайнер Андреас Запатинас хамтран ажиллаж, олон талт судалгааны үр дүнд шинэ загваруудаа гаргасан байдаг. Тансаг зэрэглэлийн мөн хэрэглэгчдэд илүү тав тухтай гэдгээрээ энэхүү загварын лифт нь илүү ялгардаг. 

Үүнээс гадна тусгай төслүүдэд зориулсан шийдэл бүхий лифт үйлдвэрлэдэг. Жишээлбэл, шумбагч онгоц, тив дамжин явдаг аяллын хөлөг онгоц гэх мэт. Энэ нь байнгын усны хүчтэй давлагаа, савлагаан дунд хөдөлгөөнтэй нөхцөлд ашигладаг учраас маш нарийн инженерчлэлийн шийдэл шаардагддаг. Далай дахь аяллын туршид лифт эвдрэхгүй байх чанарын шаардлагыг хангаж ажилладаг гэсэн үг юм. 

Хэрвээ барилга дээр лифтэнд асуудал гарвал дуудлага өгөхөд бүх асуудлыг тухай бүрд шийдэх боломжтой байдаг бол далайд шууд очих боломжгүй шүү дээ. Тиймээс маш нарийн технологи, стандартын дагуу үйлдвэрлэдэг учраас газар дээрх барилгын лифтний шийдэл үүний хажууд амархан бас илүү найдвартай болдог. 

-Сүүлийн үед ямар дэвшилтэт технологийг нэвтрүүлсэн бэ? Монголын зах зээлд тохиромжтой бүтээгдэхүүн. 

-Бид олон улсын зах зээлд санал болгож буй бүтээгдэхүүний нэр төрлийг илүү олон болгохоор ажиллаж байна. Монгол Улсын хувьд  2,5 секунтын дотор дээш хүргэх хүчин чадалтай лифтийг санал болгож байгаа бөгөөд энэ нь зах зээлд маш тохиромжтой бүтээгдэхүүн байх болно гэж бодож байна. Мөн Home lift буюу 2-4 давхар байшинд зориулсан лифт нь том хэмжээний суурилуулалт шаарддаггүй. Худаг суурилуулалтын хэмжээ ердөө 80-100 мм байх тул эдийн засгийн үр ашигтайгаас гадна зардлыг хэмнэх давуу талтай. Энэ нь хувийн орон сууцны хэрэглэгчдэд илүү тохиромжтой шийдэл болно.

-Хэрэглэгчдэд аюулгүй, айдасгүй байх мэдрэмжийг өгөхийн тулд хэрхэн ажилладаг вэ?  

-Аюулгүй байдал бол манай хамгийн эхний бөгөөд чухал зорилт юм. Би Монголд ирээд хэд хэдэн худалдан авагчидтай уулзалт хийгээд ярилцаж байхад Монголын зах зээлийн нэг онцлог нь сервис буюу “засвар үйлчилгээ” гэдэг ойлголт шинэ зүйл мэт байна. Үйлчлүүлэгчид эвдрэл, гэмтэлд маш их санаа зовж байгаа нь ажиглагдсан. Манай брэндийн хувьд 20-25 жилийн баталгааг өгөхөөс гадна борлуулалтын дараах засвар үйлчилгээг албан ёсны эрхтэй компаниар дамжуулан тогтмол хийдэг гэдгээрээ онцлог. Манай албан ёсны дистрибьютер Дельта Лифт компанийн инженер техникийн ажилтнууд нь Шанхай, Европын нарийн мэргэжлийн техникчдээр хичээл заалгуулж, мэргэжлийн мэдлэг мэдээллийг тогтмол авч алхам тутамдаа сургалт, хөгжүүлэлт хийгдэж явдаг. 

KLEEMANN брэнд нь бүтээгдэхүүний бүх төрлийн чанарын шалгалтыг өндөр түвшинд хийж, олон улсын стандартуудыг мөрдөж ажилладаг. Лифтний хөдөлгөөн болон ашиглалтын явцад гарч болох аливаа эрсдэлээс урьдчилан сэргийлэх үүднээс аюулгүй ажиллагааны нэмэлт шийдлүүдийг бүтээгдэхүүндээ тусгасан.

Мөн бид хэрэглэгчийн тав тухтай байдлыг хангах зорилгоор лифтний дуу чимээг багасгах, гэнэтийн зогсолтгүй жигд ажиллагааг бий болгох, мөн цахилгааны гэнэтийн тасалдлын үед найдвартай аюулгүйн горимд шилжих технологийг нэвтрүүлсэн.

Монголын зах зээлд аюулгүй, бат бөх, найдвартай ажиллагааг хангахын тулд манай инженерүүд байнгын сургалт, чанарын хяналтад хамрагдаж, үйлчлүүлэгчдийн хэрэгцээ шаардлагад нийцүүлэн ажиллаж байна.

-Олон улсад хамтран ажилласан томоохон төслүүдээсээ дурдвал? 

-Исландын Кефлавик олон улсын нисэх онгоцны буудлаас эхлээд Норвег дахь газрын тосны цооногуудын төслүүд, Саудын Араб дахь дэлхийн хамгийн том давсгүйжүүлэх үйлдвэр, Их Британи дахь Мэри Роуз музей, Сидней хотод Феррари, Масерати - ийн үзэсгэлэнгийн төв зэрэг дэлхийн өнцөг булан бүрд нэр хүндтэй төслүүдтэй хамтран ажилласан байна. Бид энэхүү түүхээ нэмж илүү олон харилцагчдад хамтын үнэ цэнийг бүтээхээр зорин ажилласаар байх болно. 

-KLEEMANN  группийн ойрын 5 жилд баримтлах бодлого, чиглэл ямар байгаа бэ?

-Технологийн шинэчлэлтүүд маш хурдацтай тасралтгүй хөгжиж байна. Тиймээс инновац нэвтрүүлэх, тогтмол шинэчлэлт сайжруулалтыг хийж ажилладаг. Тухайлбал, бид бүтээгдэхүүний туршилтыг хийх хамгийн сүүлийн үеийн “Test tower”,  IoT /Internet of Things/ дээр суурилсан эрчим хүчийг хэмнэх технологийг нэвтрүүлэх, үйлдвэрлэлээ бүрэн автоматжуулах зэрэгт хөрөнгө оруулалт хийж, бүтээгдэхүүний шинэчлэлт, сайжруулалт тогтмол хийсээр байна. 

Цаашид олон улс дахь зах зээлээ илүү тэлж, хамтын ажиллагаагаа өргөжүүлэн ажиллах бөгөөд ялангуяа миний хариуцан ажиллаж байгаа Ази номхон далайн бүсийн зах зээлээ өргөжүүлэх тал дээр гол түлхүү анхаарч ажиллах болно. KLEEMANN нь маш нарийн технологи бүхий нарийвчлалтай бат бөх лифтнээс эхлээд бага зардалтай, хувийн орон сууцанд тохирсон бүтээгдэхүүнийг хэрэглэгчийн хүсэл сонирхолд тохируулан инженерчилж боловсруулдаг. Тиймээс Монгол улсад барилга бүтээн байгуулалтын ажлууд эрчимжиж, эрчим хүчний хэмнэлттэй, тогтвортой бүтээгдэхүүнд анхаарлаа хандуулах болсон тул шинэ технологиуд болон Монголын улсын онцлогт тохирсон бүтээгдэхүүнийг санал болгох зорилго тавьж албан ёсны онцгой төлөөлөгч Дельта Лифт компанитайгаа байнгын холбоо харилцаатай ажиллаж, цаг үеийн мэдээ мэдээллийг тухай бүрт авч, тогтвортой хамтран ажиллах болно.