800 гаруй жилийн түүхтэй Парисын Дарь эхийн сүмд гал гарснаас хойш таван жилийн дараа тус сүм эргэн нээгдэх гэж байна.

Готик хэв маягийн энэ сүмийг Парисын хамба лам Морис де Сюллигийн санаачилгаар 1163—1345 онд барьсан байдаг. Парисын бэлгэ тэмдэг болсон энэхүү сүм ЮНЕСКО-гийн дэлхийн өвд бүртгэлтэй байдаг. XII-XIV зуунд Парисын төвд барьсан готик хэв маягийн энэ сүмийг жил бүр олон сая жуулчин ирж үздэг байсан билээ.

2019 оны дөрөвдүгээр сарын 15-нд сүмийн дээвэрт гал гарсныг 600 орчим гал сөнөөгч 15 цаг ажилласны эцэст унтрааж чадсан байдаг.

“Парисын Дарь эхийн сүм 2024 оны 12 дугаар сарын 8-нд үүд хаалгаа нээх гэж буйг мэдэгдэхдээ Франц Улсын хувьд сүмийг сэргээн засварлахад оролцсон хүн бүрээр бахархах жил байх болно” гэжФранцын Ерөнхийлөгч Эммануэл Макрон хэлжээ. 

Парисын дарь эхийн сүмд болсон түүхэн үйл явдлууд

• 1431 он- Францын хаан VI Анрийг хаан ширээнд залах ёслол

• 1804 он - Наполеон Бонапарт хаан ширээнд заларсан

• 1945 он- Шарль де Голль Парисыг чөлөөлснийхөө дараа энэ сүмд иржээ

• 2013 он-Сүмийн 850 жилийн ой тохиосон