“Барилгын үйл ажиллагааны тусгай зөвшөөрөл өөрчлөлт,шинэчлэлт-2024” хэлэлцүүлэг өнөөдөр болно.
МБҮА ТББ нь 2018 оноос “Барилга байгууламжийн зураг төсөл боловсруулах, барилгын ажил гүйцэтгэх, өргөх байгууламж, түүний эд ангийн үйлдвэрлэл, угсралт, засвар үйлчилгээг эрхлэх хуулийн этгээдэд барилгын үйл ажиллагааны тусгай зөвшөөрөл олгох үйл ажиллагааг зохион байгуулах чиг үүргийг гүйцэтгэж эхэлсэн нь салбартаа төдийгүй бусад салбарт төр, хувийн хэвшлийн хамтын ажиллагааны сайн жишиг болж, Дэлхийн банкны 2019 оны “DOING BUSINESS” индексийн үзүүлэлтээр Монгол Улсын БҮАТЗ олгох үйл ажиллагаа нь дэлхийн 190 орноос 29-р байрт эрэмблэгдсэн юм.
Тусгай зөвшөөрөл олгох эрхийг 2019 онд хагас, 2021 оноос бүрэн цахимжуулж төрийн үйлчилгээний Хур, Дан, И-Монголиа системүүдтэй холбож, барилгын салбарын нэгдсэн мэдээллийн санг бий болгосон нь хүний оролцоогүй, ил тод, нээлттэй, түргэн шуурхай, аливаа дундын зуучлалгүй, салбарын инженер, техникийн ажилтнуудын статистик тоон үзүүлэлтийг нэгтгэсэн, хүнд суртал, авлигаас хараат бус системийг Монгол Улсад нэвтрүүлснээрээ онцлог, давуу талтай болсон юм.
Барилгын үйл ажиллагааны тусгай зөвшөөрөл эзэмшигч байгууллагууд ямар хариуцлага хүлээдэг вэ?
БҮАТЗ-ийн эргэн тойронд үүсдэг асуудлыг хэрхэн шийдвэрлэх талаар олон талуудын санал сонсож, хэлэлцэн, хууль журамд өөрчлөлт оруулах шаардлага тулгарч байгааг бодлого боловсруулагчид, салбарынханд ойлгуулж хэлэлцүүлгээс гарсан саналуудаа нэгтгэн холбогдох албаныханд өргөн барина.
Өнөөдөр аж ахуйн нэгж байгууллагуудад БҮАТЗ-ийн хүсэлт яагаад буцаагдаж буй шалтгаан, асуудлыг шийдвэрлэх хэлэлцүүлэг 09-17 цагт Holiday INN зочид буудалд болно.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.