Модыг шил мэт нэвт харагддаг болгох оролдлогууд 18-р зуунаас эхэлсэн байдаг. Эдгээр оролдлогуудын зарим нь зорилгодоо тун дөхөж байсан түүхүүд ч бий. Харин 2020 онд нэвт харагддаг мод бүтээснээ АНУ-ын Мэрилэнд мужийн их сургуулийн зохион бүтээгч Лианг Бинг Ху дэлхийд зарлаж байжээ. Модыг элдэв химийн бодистой чанаж лигнин гэгч өнгө оруулагчаас нь ангижруулаад эпокси шахан хатаахад нэвт харагддаг “шилэн мод” бүтдэг байна. 

Тухайн шилэн мод, шилнээс доод тал нь 5 дахин бат бөх, 5 дахин хөнгөн ба модтой харьцуулхад дулаан барих чадвар хамаагүй өндөр гэж зохион бүтээгчид мэдэгджээ. 

Иймд шилэн модон материал нь хуванцар, төмөр, шилэн материалуудыг орлох боломжтой тул сэргээгдэх эко түүхий эдэд бүртгэгдсэн байна.