Хятад Улс сарны анхны баазаа байгуулах төлөвлөгөөгөө ахиулж байгаа бөгөөд энэ баасан гарагт сансарт хөөргөх туршилтыг эхлүүлэхээр болжээ. Уханийн Хуажун Шинжлэх Ухаан Технологийн Их Сургуулийн эрдэмтэд “Chang'e-5 датчик”-ийн авчирсан хөрсний дээжээр уг тоосгыг хийжээ.

 Эдгээр тоосгонууд нь ердийн тоосгоноос гурав дахин бат бөх бөгөөд бэхэлгээний бодис шаардлагагүйгээр хоорондоо холбогддог ажээ. 2030 он гэхэд сар руу хүн илгээж, 2035 он гэхэд тэнд байнгын бааз байгуулах зэрэг өргөн цар хүрээтэй зорилтынхоо хүрээнд тоосгоны дээжийг ачааны пуужингаар Хятадын "Тянгонг" сансрын станц руу илгээх юм байна. Туршилтаар материал нь 180°С-аас -190°C хүртэлх температурын хэлбэлзэл, сансрын цацраг, микро солир, сарны чичирхийлэл зэрэг сансрын хатуу ширүүн орчинд муудаж буй эсэхийг хянах аж. Туршилт гурван жил үргэлжлэх бөгөөд чанарыг үнэлэх зорилгоор жил бүр туршилт хийх юм. 

Үүнээс гадна Хятад Улс сарны нөөцийг ашиглан саран дээр барилга байгууламж барих зориулалттай “Сарны аалз” хэмээх 3D хэвлэх робот бүтээжээ. 

Сарны хөрснөөс шууд барилга байгууламж барих санаа нь зардал хэмнэх чухал арга хэмжээ гэж үзэж буйгаа онцолжээ. Сарны материалыг ашиглах нь дэлхийгээс нөөцийг зөөвөрлөх шаардлагагүй болж, сарны бүтээн байгуулалтыг урт хугацаанд илүү үр дүнтэй, хэмнэлттэй болгоно гэж тооцоолж буй гэнэ. 

Эх сурвалж:theneutral.pk