Монголын Барилгын Үндэсний Ассоциаци /МБҮА/  ТББ нь 15 жилийн ойн хүрээнд гишүүн байгууллагын захирал, удирдах албан тушаалтнуудад зориулан МАНЛАЙЛАГЧ БА МЕНEЖЕР-ийн ялгаа сэдвээр сургалт /2024.11.09/  зохион байгууллаа. Тус сургалтыг Дале Карнегийн Монгол дахь салбарыг үүсгэн байгуулагч, Олон улсын мастер трейнер  Э.Чинзориг багш заасан юм. 

Сургалтад МБҮА - ийн ерөнхийлөгч Н.Баярсайхан, гүйцэтгэх захирал Г.Батсүх болон МБҮА - ийн гишүүн компаниудын 80 гаруй захирлууд хүрэлцэн ирлээ. 

Э.Чинзориг: Байгууллагаа үр ашигтай, тогтвортой орлоготой байх чиглэлд ихэнх захирлууд маш сайн ажиллаж чадсан байдаг. Харин тухайн байгууллагадаа ажиллаж буй хамт олон, ажилтнуудаа бүх талаар нь хөгжүүлж, дараагийн шатанд гарган,  цаашлаад Монгол Улсдаа хэрэгтэй манлайлагч болгон гаргаж чадаж байгаа юу? 

Таны зорилго байгууллагаа ашигтай байлгах уу, улс эх орны хөгжил дэвшилд нөлөөлөх байгуулага бий болгох уу? Энэ асуултын ялгаа, зангилаа гаргахын тулд энэ удаагийн сургалтыг зохион байгууллаа. Та байгууллага удирдаж байгаа ч менежрийн түвшинд байна уу, манлайлагч болж чадсан уу. Үүнийг ялгааны талаар нээлттэй ярилцлаа.