Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэн барилгын салбарт холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө мэдээлэл бэлтгэн хүргэдэг Барилга МН сэтгүүлийн 2024 оны арваннэгдүгээр сарын шинэ дугаар уншигчдадаа хүрлээ.

Энэ сарын дугаарын нүүр хуудсанд Дельта Лифт компанийн KLeemann брэндийн цахилгаан шат хамтран ажиллаа. 

 174 дэх дугаарт гарсан онцлох булангуудаас танилцуулбал, 

VIP ЗОЧИН: 

Энэ удаагийн дугаарын зочноор "Пропем прайм партнерс" ХХК-ийн гүйцэтгэх захирал Г.Ган-Өлзийг урин ярилцлаа. Тэрбээр PMI буюу Олон улсын менежментийн институтээс олгодог PMP буюу Project Management Proferssional гэх Олон Улсын Барилгын Менежментийн сертификат эзэмшсэн бөгөөд түүний мэдлэг туршлагын талаар ярилцлаа. 

НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Түүхэн дурсгалт барилга, архитектурын дурсгалын сэргээн засварлалтын тулгуур ойлголт, түүнийг дахин авч үзэх талаар” цуврал нийтлэл хүргэж байгаа билээ. Тэгвэл энэ удаагийн дугаарт “Сэргээн засварлалт хийхэд хугацаа чухал уу”  IX хэсгийг хүргэж байна. 

АРХИТЕКТУР ДИЗАЙН: 

Урлаг шинжлэх ухааны хот гэдгээрээ алдартай Испанийн Валенси хот дахь Дуурийн ордон, музей, кино театр зэрэг бүтэн цогцолборын талаар хүргэж байна. 2005 онд нээлтээ хийсэн тус барилга нь Хатан хаан Софиагийн нэрэмжит бөгөөд архитектор Сантьяго Калатравагийн алдартай бүрэн хэмжээний бүтээлүүдийн нэг юм. 

Монголдоо бүтээцгээе

Барилга МН сэтгүүлийн редакцын бүрэлдэхүүн уг буландаа эх орондоо үйлдвэрлэл эрхэлж буй аж ахуй нэгжүүдтэй танилцан сурталчилдаг билээ. Тэгвэл сэтгүүлийн 174 дэх дугаартаа Аж Үйлдвэр, Эрдэс Баялагийн Яамны дэргэдэх "Эрдэс баялагийн мэргэжлийн зөвлөл"-тэй танилцлаа. Монгол Улсын нутаг дэвсгэрт Ашигт малтмалын тусгай зөвшөөрөл эзэмшигчдийн гүйцэтгэсэн хайгуулын ажлын үр дүнгийн тайлан, ордын нөөцийн тооцоог хийх, ашиглалтад бэлтгэгдсэн ордыг ашиглах болон баяжуулах үйлдвэрийн ТЭЗҮ -г боловсруулах, нэмүү өртөг шингэсэн эцсийн бүтээгдэхүүн үйлдвэрлэх болон боловсруулах үйлдвэрийн ТЭЗҮ- г боловсруулах чиглэлд үйл ажиллагаа явуулдаг бөгөөд тэдгээр ТЭЗҮ - ийн хэрэгжилтэд хяналт тавьж ажиллах чиг үүрэгтэй байгууллагын талаар илүү дэлгэрэнгүйг та Барилга МН сэтгүүлийн 174 дэх шинэ дугаараас уншаарай. 

Мэргэжилтний зөвлөгөө

Бетон ба төмөр бетоны бүтээцүүд нь ашиглалтын явцад чанарын алдагдалд орж эвдэрдэг. Тэгвэл гадны хортой нөхцөл бетоны өгөршилд хэрхэн нөлөөлөх талаар бэлтгэлээ.     

Тодруулга 

Хамтарсан Засгийн Газар 2024-2028 оны хөгжлийн төлөвлөгөөнд 14 мега төсөл хэрэгжүүлэхээр тусгасан. Тэдгээр мега төслүүдийн хамгийн чухал нь Эрчим хүчний рефор хийх юм. Тэгвэл эрчим хүчний реформын хүрээнд эрчим хүч хэрэглэгчдийн үнэ тариф нэмэх тухай мэдэгдсэн. Тэгвэл тус асуудлаар Эрчим хүчний зохицуулах хорооны үнэ тарифын гаүрын дарга Б.Эрдэнэбулган болон иргэдэд ирэх санхүүгийн дарамт, инфляцийн талаар СЭЗИС-ийн Санхүүгийн тэнхимийн дэд профессор, эдийн засагч Ж.Дэлгэрсайханаас тодрууллаа.

Хөндөх сэдэв

Манай улсад сүүлийн зургаан жилд барилгын материалын холбогч түүхий эд болох элсний хомсдол нүүрлэж байна. Манайд уулын, манхны, голын гэсэн гурван төрлийн элс байдаг ба салхин зөөгдөлтөөр үүссэн уулын элс нь тоосорхог, шаварлаг хольц ихтэй, ширхэглэл нарийн, харин манхны элс нь цэвэр боловч хэт нарийн ширхэгтэй зэргээс бетонд хэрэглэх стандартын шаардлага хангадаггүй байна. Тэгвэл яагаад элсний хомсдол үүсэж буй, элсийг юугаар орлуулж болох талаар сэтгүүлийн шинэ дугаараас үргэлжлүүлэн уншаарай. 

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

Онлайн унших: Номын сан

Утас: 9100-0233, 7711-3333-2