Цахилгаан, дулааны үнэ бодит өртөгтөө хүрээгүйгээс, эрчим хүчний салбар алдагдал хүлээж, эрсдэлтэй ажиллаж буй талаар албаныхан удаа дараа сануулж байсан билээ. Тиймээс 2024 оны арваннэгдүгээр сарын 1-ээс хэрэглэгчийн цахилгаан, дулааны үнийг нэмэхээр болсныг Засгийн газраас мэдээлсэн. Өнөөдөр Эчим хүний үндэсний хорооноос цахилгаан, дулааны үнийг хувилбарыг 13:00 цагаас мэдээлнэ.

Одоогоор цахилгаан, дулааны үнийг нэмэх дараах хувилбарууд яригдаж байна. 

1. Цахилгааны үнийг 30 хувиар, дулааны үнийг 50 хувиар
2. Цахилгааны үнийг 64 хувиар, дулааны үнийг 28 хувиар
3. Цахилгааны үнийг 29.6 хувиар, дулааны үнийг 85 хувиар
4. Цахилгааны үнийг  30 хувиар, дулааны үнийг 70 хувиар
5. Цахилгааны үнийг 80 хувиар, дулааны үнийг 20 хувиар нэмэх хувилбарууд байгаа юм.

Эрчим хүчний үйлдвэрлэлийн өртөг 2024 оны эхний хагас жилийн байдлаар 256 төгрөгт хүрээд буй юм. Өөрөөр хэлбэл эрчим хүчний салбар 256 төгрөгийн өртгөөр бүтсэн бүтээгдэхүүнээ иргэдэд 140 төгрөгөөр нийлүүлдэг гэсэн үг. Ингэж алдагдалтай ажилладаг учраас Эрчим хүчний салбарын алдагдал 357 тэрбумд хүрээд буй аж. Нөгөө талд цахилгааны үнийн өсөлт иргэдэд дарамт болох ч Эрчим хүчний салбарын алдагдал жил ирэх тусам нэмэгдэж, их наяд төгрөгөөр хэмжигдэх хэмжээнд хүрч байна.

                                                                                                                   Д.Болорцэцэг