БНСУ-ын орон сууцны зах зээлийн хэрэглэгчийн итгэлийн индекс аравдугаар сард 116 нэгж болж буурч, хэрэглэгчийн итгэлийн индекс энэ онд анх удаа буурсан үзүүлэлттэй гарлаа. Энэ нь орон сууцны үнийн өсөлтийг сааруулах тус улсын Засгийн газрын хэрэгжүүлсэн арга хэмжээний нөлөөлөл мэдрэгдэж эхэлснийг харуулж байна.

Орон сууцны үнийн нэг жилийн төлөвийг илтгэдэг тус индекс есдүгээр сард 119 нэгж байсан бол энэ сард 116 нэгж болж буурсныг БНСУ-ын Төв банк лхагва гарагт мэдээллээ.

Орон сууцны зах зээлийн хэрэглэгчийн итгэлийн индекс аравдугаар сарын 8-16-нд буюу Төв банк нь бодлогын хүүгээ 3.25 хувь болгон бууруулсан үед хийгдсэн судалгааны үр дүнг илэрхийлж байна.

БНСУ-ын Төв банк “Сөүл хотод орон сууцны үнийн өсөлт саарсан учраас бодлогын хүүгээ бууруулах шийдвэр гаргасан” гэдгээ онцолжээ. Ирэх сард тус улсын Төв банк бодлогын хүүгээ хэвээр хадгалах магадлал өндөр байна. 

Д.Болорцэцэг