Монголд газрын тосны хайгуулын чиглэлээр үйл ажиллагаа явуулдаг “Петро Матад” компани Монголын зүүн хэсэгт орших XX хэсэг газрын бүтээгдэхүүн хуваах гэрээний талбай дахь Хэрон-1 цооногийн газрын тосны олборлолт эхлэх хуваариа танилцууллаа.

Тус компани Херон-1 цооногийн талбайн барилга угсралт, тоног төхөөрөмж суурилуулах ажлыг дуусгаж, аравдугаар сарын 25-наас өмнө олборлолт хийж эхэнэ гэжээ. Цацрагийн насос, генератор, хадгалах сав зэрэг шаардлагатай дэд бүтцийг ашиглалтад оруулахад бэлэн болсон бөгөөд үйлдвэрлэсэн шингэнийг XIX хэсгийн талбайгаас хойд зүгт 20 километр зайд орших "Петрочайна дачин тасмаг" ХХК  компанийн байгууламжууд руу тээвэрлэх юм.

"Петро Матад" компани болон зэргэлдээх оператор "Петрочайна Дачин Тамсаг" ХХК компанийн хамтын ажиллагааны гэрээнд XX блокоос/талбай/ олборлосон газрын тосыг буулгах, хэмжих, боловсруулах, экспортлох, борлуулах нөхцөл болон холбогдох бүх төлбөрийг тохиролцсон ч “Петрочайна дачин тасмаг” компанид төлөх хураамж шийдэгдээгүй нь ганц асуудал хэвээр байна.

"Петро Матад" компанийн Гүйцэтгэх захирал Майк Бак Херон-1 цооногийг үйлдвэрлэлд оруулах гэж удаан хүлээсэн. Холбогдох яам, АМГТГ, "Петрочайна дачин тамсаг" компанитай хамтран ажилласандаа баяртай байгаагаа илэрхийлжээ.

Өнгөрсөн сард “Петро Матад” компани Монголын зүүн хэсгийн Тамсагийн сав газарт “Мазаалай-1” хайгуулын цооног өрөмдөж эхэлсэн. "Петро Матад" энэ долоо хоногт Монголын "Херон-1" цооногоос газрын тос олборлож эхэлнэ" гэж GlobalData-н эзэмшдэг “Offshore Technology” анх мэдээлж байжээ.

Эх сурвалж: finance.yahoo