“Muraba veil” нэртэй тансаг зэрэглэлийн орон сууц нь 380 метр өндөр, 22 метрийн өргөнтэй байх талаар төслийн архитекторууд мэдээлжээ.

73 давхар уг цамхагт тус бүр хоёроос таван унтлагын өрөөтэй, 131 орон сууц байх юм. Өндөр зэрэглэлийн орон сууцны хороололд рашаан, ресторан, галерей, хувийн кино театр зэрэг "Амралт зугаалгын олон төрлийн тохижилт" багтсан байхаар төлөвлөжээ

“RCR Arquitectes”-ийн үүсгэн байгуулагч Рафаэль Аранда хэвлэлийнхэнд хийсэн мэдэгдэлдээ: "Бид өөрсдийн барилга байгууламжийг тухайн газар нутаг, байгалийн ландшафттай нь харьцахуйц байлгахыг эрмэлздэг. Байгальтайгаа харьцаж, нутгийн соёлын уур амьсгалд шингэсэн байх ёстой” гэжээ.

Дэлхийн хамгийн өндөр, тэнгэр баганадсан барилга “Бурж Халифа”-ын   дараа орох өндөр барилга болох аж. Цамхаг 2028 он ашиглалтад орох гэнэ.

Эх сурвалж: CNN