Олон улсын сансрын станц руу хөөрсөн АНУ-ын хоёр нисгэгч, хөлгийн систем доголдсоны улмаас 2025 оны хоёрдугаар сар хүртэл гацсан.

Тэгвэл арваннэгдүгээр сард болох АНУ-ын Ерөнхийлөгчийн сонгуулийн саналаа тэд хэрхэн өгөх нь олны сонирхлыг ихэд татаад байна.

Энэ талаар нисгэгчид “Сонгуульдаа оролцоно гэдэг иргэний хувьд чухал үүргийн нэг” тиймээс бид сансраас санал өгөхөөр саналын хуудас авах хүсэлтээ илгээсэн” гэжээ.
 Техас мужийн сонгуулийн хорооны ажилчид НАСА-тай хамтран сансарт гацсан нисгэгчид рүү PDF файл бүхий саналын хуудас илгээхээр болсон байна.

1997 онд НАСА-ийн ажилтнуудыг сансраас санал өгөх боломжтой хууль баталснаар нисгэгчид сансраас сонгуулийн саналаа өгдөг болсон юм.

Нисгэгчид тус файлыг нээж, саналаа бөглөх бөгөөд файлыг тусгай  нууц үгээр хамгаалж, саналын нууцлалыг хадгалах юм. Тэдний бөглөсөн саналын хуудастай файл бүхий мэйлийг дэлхий рүү илгээж, хэвлэснээр бусад саналтай нэгтгэн, тоолох гэнэ. 

                                                                                                                          Эх сурвалж: NBC