Барилгын салбарынханы хамгийн идэвхитэй үед зохион байгууллагддаг “Барилга Экспо-2011” үзэсгэлэн яармаг нь бөгөөд 2 дахь өдрөө амжилттай үргэлжилж байна. Энэхүү үзэсгэлэн яармаг нь 4 дэхь жилдээ зохион байгуулагдаж байгаа бөгөөд барилгын салбарынхан хамгийн их ач холбогдол өгч оролцдог үзэсгэлэн яармаг болж чадсан юм.

     Энэ жилийн үзэсгэлэн яармаг хүрээгээ тэлж дэлхийд барилгын тэргүүлэгч 10- аад орноос барилгын шилдэг компаниуд оролцож өөрсдийн Монголд хэрэгжүүлэх гэж байгаа төсөл хөтөлбөрүүдийнхээ талаар болон өөрсдийн барилгын салбарт нэвтрүүлсэн шинэ шилдэг технолгоо Монголын хэрэглэгчдэд болон ижил төрлийн үйл ажиллагаа явуулдаг байгууллагууддаа танилцуулж байна.

    “Барилга Экспо 2011” үзэсглэн яармагийг зорин ирж байгаа үзэгчдийн тоо улам их болж байна. Тэдний голлон сонирхож байгаа материал бүтээгдэхүүн нь Улаанбаатар хотод шинээр ашиглалтанд орох гэж байгаа шинэ орон сууцнууд, хүйтний ам наашилж байгаа энэ үед дулаалгын материал, болон хэмнэлттэй утаагүй зуух болон дэвшилтэт технологоор хийгдсэн халаалтын системийг хамгийн ихээр сонирхож байлаа. Энэ үзэсгэлэн яармагт шинэ орон сууцны 40 гаруй компани оролцож байгаа учраас хэрэглэгчдэд сонголт хамгийн их байгаагаас гадна компаниуд өөрсдийн баригдаж байгаа орон сууцнуудаа загвараар хийж ирсэн нь сонирхсон хүмүүст амар хялбар болж байгаа юм. Мөн газар дээр нь банкны зээлдээ хамрагдах боломж нь бүрдүүлж чадсанд үзэсгэлэнг үзэж сонирхож байгаа хүмүүс ам сайтай байна. Үзэсгэлэн яармагийн ач холбогдол нь газар дээр нь мэргэжлийн хүмүүсээс заавар зөвлөгөө авч худалдан авалт хийх боломж нь бүрдэж байна.