Засгийн газрын ээлжит хуралдаан өнөөдөр/2024.10.02/ болж хуралдаанаас гарсан шийдвэрүүдээ танилцууллаа. Энэ үеэр Засгийн газрын үйл ажиллагааны хөтөлбөрт тусгасан 14 мега төслийн эхлэл болгож Үндэсний хиймэл дагуулын төсөл албан ёсоор гараанаас гарч байгааг ЗГХЭГ-ын дарга Н.Учрал мэдэгдлээ. 

Тэрбээр, Үндэсний хиймэл дагуулын төслийг Үндэсний аюулгүйн зөвлөлд танилцуулахаар шийдвэрлэсэн. 2011 оноос хойш судалгаа хийж буй уг төслийг хэрэгжүүлэхэд 29 их наяд төгрөг хэрэгцээтэй байгаа бөгөөд төслийн үр дүнд улс орныхоо хаанаас ч интернэтэд холбогдох бүрэн боломжтой болж иргэдээ мэдээллээр хангаснаар болзошгүй эрсдэлт аюулаас авран хамгаалах юм. Монгол улс Үндэсний хиймэл дагуултай болсноор харилцаа холбооны бие даасан системтэй болж, үндэсний аюулгүй байдлаа баталгаажуулж чадна гэлээ. 

Мөн энэ үеэр Нийслэлийн Засаг дарга бөгөөд Улаанбаатар хотын захирагч Х.Нямбаатар мөн хуралдааны шийдвэрүүдээс танилцуулсан бөгөөд тэрбээр хэлэхдээ, 701 га газар чөлөөлж, 50000 орчим айлын орон сууц барина. Барилгын компаниудад энэ газрыг зарах ба 50 орчим айлын ашигтай талбайн  25-30 хувийг илүү  санал болгосон барилгын компаниуд уг газрыг хүлээлгэж өгнө. Бид газрынхаа 25-30 хувьд авсан мөнгөөрөө дараагийн газар чөлөөлнө. Газар чөлөөлж явсаар цаашаа Телевиз, Дэнжийн 1000, Ногоон нуур орчмын айл өрхүүдийг чөлөөлж, орон сууцны хороолол барина. Түүнчлэлд нийслэлд 60 га газарт гадаадын ногоон орон сууцны төслөөр 6000 айлын орон сууц барина.

Баянхошуу, Ханын материал орчимд 8000 айлын орон сууц барина. Баригдсан орон сууцнаас иргэд өөрийн хашаа байшингийн үнэлгээнд тохирсон 1-3 өрөө байраас хэлэлцээр хийн авах эрхийг батламжилна. Одоогийн байдлаар 90 хувьтай явж байгаа 1008 айлын орон сууцны хороолол ашиглалтад ороход бүсчилж заасан хэсгүүдийн айл өрхүүдэд батламж өгөх юм. Одоогийн жишиг өртгөөр 40 мкв орчим байшинтай айлуудыг 175 орчим сая төгрөгөөр үнэлэн авч байгаа. Мөнгөө авсан айлууд 100 хувь орон сууц худалдан авсан байналээ гэв. 

Өнөөдрийн Засгийн Газрын хуралдаанаар Ногоон нуурт, Хятадын 380 сая юанийн тусламжтайгаар барьж буй 1008 айлын орон сууцыг Улаанбаатар хотын мэдэлд шилжүүлсэн бөгөөд ингэснээр газраа чөлөөлсөн айл өрхүүдийг нүүлгэн шилжүүлж оруулах, газрыг орон сууцаар солих эрх нийслэлд шилжиж байна.