Эрчим хүчний үнэ тариф бодит өртөгтөө хүрээгүйгээс үүдэн алдагдал хүлээж, эрсдэлтэй ажиллаж буй. Тэгвэл Засгийн Газраас эрчим хүчний шинэчлэл хийх, үнэ тарифын өөрчлөлт хийх, судлах дэд хороо байгуулан Шадар сайд Т.Доржханд ахлан ажиллаж байна. 

Эрчим хүчний үйлдвэрлэл энэ оны эхний хагас жилийн байдлаар 256 төгрөгт хүрээд байгаа бөгөөд иргэдэд 140 төгрөгөөр нийлүүлдэг. Үүнээс үүдэн 357 тэрбум төгрөгийн алдагдал Эрчим хүчний салбарт үүсээд байгаа юм. Тиймээс цахилгаан, дулаан, халуун усны үнийг үе шаттайгаар нэмэн уг салбарыг алдагдалгүй, ашигтай ажиллуулахын тулд шат дараатайгаар эрчим хүчний үнэ тариф нэмэхээр төлөвлөжээ. 

Энэ талаар дэд хорооны ахлагч, Шадар сайд Т.Доржханд хэлэхдээ шилжилтийг үр дүнтэй хийхийн тулд зургаан ажлын хэсэг байгуулан ажиллаж байна. Арваннэгдүгээр сарын 1 гэхэд ямар түвшинд, ямар өөрчлөлт хийж болох талаар судлаад танилцуулна гэв.