Ипотекийн зээлийг Засгийн газарт шилжүүлтэл Монголбанк үргэлжлүүлэн авч явах тухай Улсын Их Хурал(УИХ)-ын тогтоол өнгөрсөн онд гарсан. 

Тиймээс Монголбанк ипотекийн зээлийг үргэлжлүүлж байгаа бөгөөд уг зээлийн асуудлаар Монголбанкны ерөнхийлөгч Б.Лхагвасүрэн "УИХ-ын тогтоол гарахдаа эргэн төлөгдсөн хэмжээгээрээ ипотекийн зээлийн санхүүжилтийг хийхээр заасан. Эргэн төлөлтийн хэмжээ жилдээ 500 тэрбум төгрөг. Энэ бол Монголбанкны эх үүсвэр. Мөн 80/20 харьцаатайгаар ипотекийн зээлийг гаргаж байгаа тул арилжааны банкууд 200-250 тэрбум төгрөгийг жилд гаргадаг. Үндэсний баялгийн сангийн тухай хууль батлагдсанаар Хуримтлалын сангийн мөнгийг ипотекийн зээлд ашиглаж болно гэж байгаа. Ингэхээр нийлбэр дүнгээр 1.2 их наяд төгрөг болсон. 

Өнөөдрийн байдлаар 1 их наяд 50 тэрбум төгрөгийг ипотекийн зээл гаргачхаад байна. Он дуустал 230 тэрбум төгрөгийн зээл гарах эх үүсвэр бэлэн байгаа гэв.

Мөн түүнчлэн Ерөнхий сайд Л.Оюун-Эрдэнэ Үндэсний орон сууцжуулалтын хороог ахлахаар болсноо мэдэгдсэн бөгөөд залуучуудыг орон сууцжуулах ажлыг эрчимжүүлэх, ипотекийн зээлийн хүртээмжийг нэмэгдүүлэх зорилготой гэсэн юм. Манай улс жилдээ 1-1,2 тэрбум төгрөгийн Ипотекийн зээл олгодог ба ойролцоогоор 6000 орчим айл уг зээлд хамгагддаг гэсэн үг юм. Ипотекийн зээлийн эрэлт их байгаа ч санхүүжилт хязгаарлагдмал учир зээлийн хүсэлт 2-3 жилийн хэмжээнд шийдэгдэх урт очер дараалал үүсдэг. Тиймээс Монгол банкнаас Ипотекийн зээлийн хүүг шатлалтай болгох саналыг Ерөнхий сайд Л.Оюун-Эрдэнэд танилцуулжээ. 

Тодруулбал, Уланбаатар хотын А бүсэд Ипотекийн зээлийн хүү 10-12% , Б бүсэд 8% , хөдөө орон нутагт 6%-ийн хүүтэй байх гэсэн шатлалтай хувилбар танилцууллаа.