Монгол Улсад барилгын салбар үүсэж хөгжсөний 98 жилийн ойн хүрээнд зохион байгуулагдсан 36 дахь удаагийн BARILGA EXPO барилгын үзэсгэлэн яармаг 9-р сарын 6-8 өдрүүдэд уянт-Ухаа ордонд болж өндөрлөлөө. Дэлхий нийтээрээ ногоон барилга, тогтвортой хөгжлийн бодлогыг хэрэгжүүлж байгаа энэ цаг үед  ногоон бүтээн байгуулалтыг дэмжиж, илүү нийгмийн хариуцлагатай байхыг салбарынхандаа уриалан “Build smart … ” уриа дор энэ жилийн үзэсгэлэн зохион байгуулагдсан юм. 

Энэ удаагийн үзэсгэлэнд шинэ орон сууц, хаусны төсөл хөтөлбөр хэрэгжүүлэгчид, барилгын материал үйлдвэрлэгчид, ханган нийлүүлэгчид, дэвшилтэт техник технологи нэвтрүүлэгчид зэрэг барилга бүтээн байгуулалтын салбарт үйл ажиллагаа явуулж байгаа 300 орчим ААН, компаниуд оролцсоноос 7  аж ахуй нэгж шилдгээр шалгарлаа. 

Хаалтын арга хэмжээнд 36 дахь удаагийн BARILGA EXPO барилгын үзэсгэлэн яармагийн зохион байгуулах хорооны дарга, Барилга МН-ийн үүсгэн байгуулагч Г.Батсүх, Барилгын хөгжлийн төв захирал Ц.Амарсанаа, Монголын Ипотекийн корпорацийн үнэт цаасжуулалтын газрын захирал Т.Гансамбуу нар оролцож шагналыг гардуулсан юм. 

Шилдэг төсөл хөтөлбөр хэрэгжүүлэгчээр Улаанбаатар пропертиз ХХК 

“Улаанбаатар пропертиз” ХХК нь 2013 оноос эхлэн үйл ажиллагаа явуулж эхэлсэн бөгөөд нийслэлийн хүн амын нягтаршил, орон сууцны эрэлт, хэрэгцээг судалж ард түмний хэрэгцээнд нийцүүлсэн орон сууцыг борлуулж байна. Тэд нийслэл хотын барилгын их бүтээн байгуулалт, иргэдийн ая тухтай амьдрах нөхцөл боломжийг бүрдүүлэх үйлсэд бодитой хувь нэмрээ оруулан өнгөрсөн хугацаанд River Villa, River Castle, MN Tower, Sky 2 Apartment зэрэг нийт 800 гаруй айлын орон сууцны төслийг хэрэгжүүлжээ.  

Энэ удаагийн үзэсгэлэнд Монголд анх удаа хэрэгжүүлж байгаа 26 давхар  орон сууц, үйлчилгээний зориулалттай River castle бизнес зэрэглэлийн орон сууцыг танилцуулсан байна. 

Шилдэг үйлдвэрлэгчээр  Өлзий Хаалга ХХК

Өлзий Хаалга ХХК нь 2007 онд үүссэн байгуулагдсан 100% дотоодын хөрөнгө оруулалтай үндэсний үйлдвэр юм. Энэхүү компани нь анх үүссэн байгуулагдахдаа 5 хүнтэй ажлаа эхлүүлж байсан бол өдгөө 2 алба, 9 хэлтэс бүхий нийт 60 гаруй ажилтан, 3000мкв талбай бүхий үйлдвэрийн байртай болтлоо өргөжин тэлсэн байна. Тэд дэлхийн чанарын стандартад нийцсэн ган төмөр хаалгыг Орон сууц, Амины орон сууц, Сургууль цэцэрлэг, Эмнэлэг, Спортын төв, галын болон техник гэсэн зориулалтын дагуу бүтээгдэхүүн үйлчилгээ хүргэж байна. Тэд 2023 оноос эхлэн төмөр хаалганаас гадна монголдоо гипсэн хана таазны профиль төмрийг үйлдвэрлэж байна.

Шилдэг ханган нийлүүлэгчээр Доече Вэллэ ХХК

Доече Вэллэ ХХК нь 2013 онд үүсгэн байгуулагдсан бөгөөд барилгын дотор заслын материалууд, тавилгын түүхий эд материалын ханган нийлүүлэлт, бэлэн тавилгын борлуулалт, чулууны үйлдвэрлэлийн чиглэлээр бизнесийн үйл ажиллагаа эрхэлж байна. Тус компани нь  нийлүүлж буй бараа бүтээгдэхүүнүүд хүний бие эрүүл мэнд, байгаль орчинд ээлтэй, олон улсын чанар стандартын өндөр шаардлагын дагуу орчин үеийн дэвшилтэт технологиор үйлдвэрлэгдсэн гэдгээрээ онцлог бөгөөд  Монгол хүн бүр эрүүл орчинд ажиллаж, амьдрах боломжийг нэмэгдүүлэх, европ чанар стандартыг монголд нутагшуулах эрхэм зорилго тавин ажиллаж байна.

Шилдэг дэвшилтэт технологи нэвтрүүлэгчээр  Клаймакс интeрнэшнл ХХК

Клаймакс интeрнэшнл ХХК - ийн Акуатерм худалдааны төв нь 2006 онд үүсгэн байгуулагдсан. Европ стандартын чанартай, баталгаатай, шаардлага хангасан бараа материалаар хэрэглэгчдээ хангаж ажиллах зорилт тавин анх Польш улсаас сантехникийн материал импортлон Монголын зах зээлд нийлүүлсэн эхэлсэн бөгөөд ази болон европ тивийн тэргүүлэгч 40 гаруй үйлдвэрлэгчийг төлөөлж Монгол дахь албан ёсны төлөөлөгчөөр ажиллаж байна. 

Шилдэг дэвшилтэт технологи нэвтрүүлэгчээр  Монцемент Билдинг Материалс ХХК

Монцемент билдинг материалс компани нь 2015 онд байгуулагдан жилд 1,000,000 тонн цемент үйлдвэрлэх хүчин чадал бүхий дэд бүтэц, барилгын хөгжилд ус, агаар мэт онцгой үүрэгтэй евро стандартын цементийг эх орондоо үйлдвэрлээд зогсохгүй Монгол Улсын стратегийн чухал ач холбогдол бүхий 30 гаруй томоохон төсөл хөтөлбөрүүдэд хамтран ажиллаад байна. Мөн Монгол улсдаа анх удаа олон улсын WHR хуурай аргын технологийг нэвтрүүлснээр хаягдал хийн дулааныг эрчим хүч болгон ашиглан байгаль экологийн тэнцвэрийг хангаж, дэлхийн жишиг стандартыг хэрэгжүүлэн ажиллаж байна. 

Түүнчлэн бизнесийн цахим шилжилтийн хүрээнд анх удаа захиалгын систем бүхий аппликейшн, ERP системийг ашиглалтад оруулж 24 цагийн турш мэдээлэл солилцох боломжийг бүрдүүлээд байгаа юм. 

Шилдэг төслөөр Agarta residence 

AGARTA RESIDENCE төсөл нь Улаанбаатар хотын байгалийн сайхан цогцолсон үнэ цэнтэй бүсэд хэрэгжиж буй бүрэн цутгамал цогцолбор хотхон бөгөөд нийт 2900 айлын 14 блок орон сууц юм. 

Хотхон дотроо  3200 метр квадрат талбайг авто машингүй салхилах, алхах болон дугуй унахад зориулагдсан зам талбай төлөвлөсөн төдийгүй хөл бөмбөг, сагсны талбайг төлөвлөснөөрөө давуу талтай юм. AGARTA Residence нь бүрэн цутгамал металл фасадтай нэгдсэн хяналтын домофон системтэй, 1000 айлын 7-н блок оффис үйлчилгээ болон цэцэрлэг төлөвлөгдсөн бөгөөд мөн өдрийн аль ч цагт нар үзэх боломж, чөлөөт цагаа өнгөрөөх тоглоомын талбайг шийдэж өгчээ.

Шилдэг төслөөр Вертекс Тауэр компанийн Maxwell Residence

Vertex tower ХХК нь 2023 оноос эхлэн барилгын салбарт үйл ажиллагаагаа явуулж байгаа бөгөөд одоогийн байдлаар Maxwell residence 2000 айлын хотхоны төслийг хэрэгжүүлэн ажиллаж байна. Maxwell residence цогцолбор хотхоны төсөл нь нийт 5 га талбайд 12 блок 2000 айлын орон сууц бөгөөд хотхон дотроо бага сургууль, улсын цэцэрлэгтэй. Нийт талбайн 50%-д ногоон байгууламж амрах талбай шийдсэн цогцолбор хотхон бөгөөд 1-р ээлжийн 3 блок барилга нь 2024 оны 10 сард ашиглалтад ороход бэлэн болсон байна. Энэхүү төсөл нь монгол улсынхаа бүтээн байгуулалтад хувь нэмрээ оруулсан үнэ цэнтэй төсөл хэрэгжиж байгаа гэдэгт бид итгэлтэй байна.