Барилгын салбартай холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө, шинэ орон сууц, барилгын материалын үнэ ханшийн судалгаа сар бүр шинэчлэн гаргадаг Барилга МН сэтгүүлийн 2024 оны наймдугаар сарын шинэ дугаар уншигчдадаа хүрээд байна.

Энэ сарын дугаарын нүүр хуудсанд Сайхан төмөрт ХХК хамтран ажиллаа. Тэд зүүн төв үйлдвэрлэл худалдааны шинэ салбар ST Engineering ХХК - аа Баянзүрх дүүрэгт нээгээд байгаа юм. 

 171 дэх дугаарт гарсан онцлох булангуудаас танилцуулбал, 

VIP ЗОЧИН

Монголын инженерүүдийн ур чадвар, оюун ухаан дэлхийд үнэлэгдэн түүх бүтээлцсээр байна. Тэдний тод илрэл бол “Сэрүүн групп”-ын ерөнхий захирал Э.Булгантамир юм. Агааржуулалтын тоног төхөөрөмж хурдтай хөгжиж буй АНУ-ын Калифорниа мужид “Aircomport experts” хэмээх салбар компаниа байгуулан тогтвортой таван жилийн турш ажиллаж буй түүний цаашид тус улсын 50 мужид франчайз салбараа нээн ажиллахаар зорьж буй талаар ярилцлаа.   

НИЙТЛЭЛ

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Түүхэн дурсгалт барилга, архитектурын дурсгалын сэргээн засварлалтын тулгуур ойлголт, түүнийг дахин авч үзэх талаар” цуврал нийтлэлийг хүргэж байгаа бөгөөд энэ удаагийн дугаарт “Гэмтэл үүссэн байдал ба түүнийг ажиглахуй”  талаар та бүхэндээ хүргэж байна. 

АРХИТЕКТУР ДИЗАЙН

Японы архитектор Со Фужимото / Sou Fujimoto/ Францын Монтпелье хотод олон төрөлт үйл ажиллагаа явуулах боломжтой цамхаг барьж  сүндэрлүүлжээ. "Цагаан Мод" буюу "L'Arbre Blanc" гэж нэрлэгдсэн энэхүү цамхаг нь Николя Леснэ, Димитри Руссел болон OXO Architectes-ийн хамтарсан бүтээл бөгөөд орон сууц, ресторан, урлагийн галерей, оффис, панорам бар болон нийтийн талбайнуудаас бүрдсэн байна. Уг цамхаг нь Монтпелье хотын хуучин болон шинэ хэсгүүдийн хооронд стратегийн байршилд байрладаг бөгөөд тэнгис далай, хотын үзэмж, Лез голыг тольдох гайхалтай харууцтай аж. 

ШИНЭ МАТЕРИАЛ

Хүн амын хөгшрөлт, төрөлтийн тоо буурч байгаатай холбоотойгоор

Японы аж үйлдвэр ажиллах хүчний хомсдолд орж, дэд бүтцийн элэгдлээс болж засвар үйлчилгээ, шинэчлэлтийн зардал нэмэгдэнэ хэмээн тооцоолж байгаа аж. Ийм бэрхшээлийг даван туулахын тулд барилгын салбарынхан "хөнгөн, бат бөх, зэвэрдэггүй" шинж чанар бүхий карбон утсархаг, композит материалыг боловсруулж, практикт ашиглах талаар анхаарч ирсэн байна. Үндсэн материалаар нь термопластик давирхай ашигладаг учраас түүнийг халааж хэвийг дахин өөрчлөх боломжтой Кабкома композит материалын талаар “Шинэ материал” булангаас уншаарай.

МЭРГЭЖИЛТНИЙ ЗӨВЛӨГӨӨ

Барилгын салбарын хамгийн түгээмэл хэрэглэгддэг материал бол фанер юм. Тэгвэл фанерыг хийхдээ модны голыг хугалан жигнэж зөөлрүүлээд, хавтгай хуудас болгон зүссэний дараа тусгай токарын машинаар давтаж, эцэст нь нимгэн давхрагуудыг хооронд нь нааж нягтаршуулан хийдэг байна. Хөнгөн авсаархан уг материалыг хэрхэн үйлдвэрлэдэг талаар  талаар Мэргэжилтний зөвлөгөө булангаас үргэжлүүлэн уншаарай.

МЭРГЭЖИЛТНИЙ ҮГ

Таны амьдарч буй орон сууц, ажиллаж буй оффис зэрэг барилгууд ямар ямар шалгуур даван бэлэн болдогийг та мэдэх үү? Барилгын чанар, даац, насжилтыг олон улсад шалгахдаа уг барилгыг хэд дахин жижигрүүлэн бариад, уг загварт туршилт хийдэг байна. Гал, ус, салхи шуурга болон газар хөдлөлтөд тэсвэртэй шаардлага хангаж буй эсэхийг шалгахдаа,

1. Салхин туннел- жижигрүүлсэн загварыг маш хүчтэй салхиар үлээлгэн шалгах
2. Чичиргээнд тавцан- газар хөдлөлт болвол яах вэ гэж үзэн чичирхийлэл мэдрүүлж шалгах
3. Дэлбэрэлтийн зэрэг динамик- галд тэсвэртэй чанарыг шалгах гэсэн гурван шалгуураар шалгадаг байна.

Уг шалгуурын талаар илүү дэлгэрэнгүй мэдээллийг Барилга МН сэтгүүлээс унших боломжтой.

НОГООН БАРИЛГА

Монгол оронд ногоон барилгын талаарх ойлголтыг өгөх, ногоон барилгын суурь шаардлагуудыг өнөөгийн монгол улсад хүчин төгөлдөр мөрдөгдөж байгаа эрх зүйн бичиг баримтууд болон олон улсын үнэлгээний аргачлалд тулгуурлан олон нийтэд танилцуулах зорилгоор уг цувралыг нийтлэлүүдийг хүргэж байгаа билээ. Тиймээс энэ удаагийн дугаартаа дотор агаарын чанарын талаар бэлтгэлээ. 

Хүн амьдралынхаа 90 орчим хувийг дотор орчинд өнгөрүүлдэг бөгөөд зөвхөн утаанаас гадна маш олон төрлийн бохирдуулагчид дотор агаарын чанарт нөлөөлж байдаг.  Дотор агаарын чанарын шаардлагыг хангахын тулд насанд хүрсэн хүн дунджаар 30м3/ц хүүхэд 20м3/ц агаарыг сэлгэж байх ёстой юм. Энэ тоо барилгын дотор агаарын чанарын шаардлагаас хамааран өөр өөр байдаг ч жишиг болгож авахад буруудахгүй хэмжээ юм... 

ТОДРУУЛГА

Цемент бол барилгын үндсэн, гол түүхий эд. Барилгын талх гэж нэрлэдэг цементийг дотооддоо үйлдвэрлэнэ гэдэг бол үндэсний аюулгүй байдалтай холбоотой чухал асуудал. Барилгын чанар, аюулгүй байдалд хамгийн чухлаар нөлөөлөх эд болсон цементийн үйлдвэрлэл, нийлүүлэлтийн талаар "Барилгын материалын ханган нийлүүлэгчдийн зөвлөл" ТББ-ын тэргүүн, "Барилгачин" группийн үүсгэн байгуулагч Г.Батсүхтэй ярилцлаа.

Мөн та Барилга МН сэтгүүлийн 171 дэх дугаараас шинэ орон сууцны үнэ ханш болон барилгын материалын үнэ ханшийн мэдээлэл, Та чадна булан, Амины орон сууц, Архитектур дизайн зэрэг булангуудад нийтлэгдсэн сонирхолтой сэдвүүдийг уншиж сонирхоорой. 

СЭТГҮҮЛ ЗАХИАЛАХ 

Онлайн унших: Номын сан

Утас: 9100-0233, 7711-3333-2