Дэлхийн хамгийн эртний барилгууд
Пантеон Ром Итали
Эртний Грекийн хэлээр "Бүх бурхадын сүм" гэсэн утгатай уг барилгыг МЭӨ 27-25 онд Ромын анхны эзэн хаан Гай Октавиан Август тэнгисийн цэргийн байгуулсан ялалтын дурсгалд зориулан хүргэн Маркус Випсаниус Агриппагийн хөрөнгөөр барьжээ. Уг сүм 80 болон 110 онуудад галд өртөж байсан бөгөөд орчин үед ч ашиглагдаж буй хамгийн эртний барилгуудын нэг юм.
Пантеоны сүмийг олон удаа өөрчилж, засвар оруулсан байсан бөгөөд гол хаалга нь Египетийн саарал боржин чулуугаар хийсэн Коринтын үеийн найман цул баганаар чимэглэгдсэн ба баганын өндөр нь 11.9 м, дээд хэсэг ба суурийн хамт 14.15 м, доод диаметр нь 1.48 м, жин нь 60 тонн бүхий 16 баганатай. Тус сүмийн тааз дотор чимэглэл эрдэнэсийн чулааг шигтгэсэн ба оройн нар жаргах үеэр туяаран солонгорч харагддаг байна.
Сүмийн анхны хийц нь гол хаалгаар орон үүдний танхим байх ба түүнээс цаашлан булангийн шатаар дээш өгсөх эсвэл доош сүм рүү орох зориулалттай байжээ. Олон зууны туршид доод давхарууд нь хөрсөнд суун газрын түвшнээс доош оржээ.
Пантеон сүмд Италийн нэр хүндтэй хүмүүсийг оршуулга байдаг аж. Сүмийн хонгилд алдарт зураач Рафаэль Санти, Балдассаре Перуцци, Аннибале Каррачи, Перино дель Вага, Таддео Цуккари, уран барилгачин Жакомо да Виньола, уран барималч Фламинио Вакка, хөгжмийн зохиолч, хийлч Арканжело Корелли зэрэг алдартай хүмүүсийг оршуулжээ.
Колизей, Ром, Итали
МЭӨ 70-80 онд баригдсан
Пантеоноос арай эртний түүхтэй Ромын хамгийн алдартай сонгодог балрилгын нэг юм. Ялангуяа үүдний хэсгийг гладиатор болон зэрлэг араатнуудаар чимэглэн шалны доод хөндийн сүм рүү орох хүртэл байрлуулсан нь жуулчдыг татдаг байна. Албан ёсоор Amphiteatrum Flavium гэж нэрлэгддэг асар том талбай нь МЭ 80 онд нээлтээ хийсэн бөгөөд хаад ноёд, иргэд, зарц зэрэг 50,000 гаруй хүн нээлтэд оролцож байжээ.
Майсон Карри, Нимес, Франц
Баригдсан: МЭӨ 16
Мэйсон Карри, бүрэн бүтэн хэвээр хадгалагдан үлдсэн сонгодог Ромын сүм хийдийн ховор жишээ юм. МЭӨ 16 онд баригдсан бөгөөд өнөө цаг үед тус сүмийн гадна талбайд нарлан суух боломжтой олон кафе бий. Дулаан цаг агаар, зуны баяр наадмаас гадна энэ хотод олон соёлын дурсгалт газрууд байдаг. Ним даяар эртний Ромын дурсгалт газрууд, түүний дотор амфитеатр ( Аренс) энэ бол Ромын үеийн хамгийн чухал дурсгал бөгөөд гайхамшигтай юм Прованслын олон хоттой адил Нимес хотын түүхэн төв нь сүүдэртэй модтой гудамж, усан оргилуураар чимэглэгдсэн нийтийн талбай, гадаа дэнж бүхий хөл хөдөлгөөн ихтэй кафетай. Прованс, Каталонид ойрхон байдаг тул Нимес нь Прованс болон Испанийн зарим уламжлалыг тогтсон байдаг.
Анхны Цинь эзэн хааны бунхан, Хятад
Баригдсан: МЭӨ 246-208 он
МЭӨ 221-210 онд төр барьж байсан Цинь Ши Хуан эзэн хааны булш Шаньси муж дахь Шиань хотын Линтон дүүрэгт байдаг. Эзэн хааныг нас барсных нь дараа хамгаална гэж үздэг бэлгэдлийн чанартай терракота дайчин баримлууд 2200 жилийн настай тус бунханг хамгаалдаг аж.
Булшны зарим хэсгийг тодорхой хэмжээнд судалсан ч дотор нь юу байгаа бол гэх болгоомжлолоос үүдэн хэзээ ч нээж байгаагүй бөгөөд Цинь Ши Хуаныг нас барснаас 100 жилийн дараа эртний түүхч Сима Чиан бунхан дотор занга байж магадгүй гэх таамаглалыг анх дэвшүүлж байжээ.
Тодруулбал, Цинь Ши Хуаны тухай түүхээс харахад тэр мөнх амьдралыг хайн, мөнгөн ус ууж байжээ. Түүнийг мөнгөн устай дарс тогтмол уусаар 49 насандаа хордож нас барсан гэсэн таамаглалын дагуу бунхан руу орсон хүн рүү харвах зориулалттай мөнгөн ус байж магадгүй гэж үзэж байгаа юм. Энэхүү таамаглалыг зарим эрдэмтэн хэт хийсвэр гэж үгүйсгэж байсан ч 2020 онд хийгдсэн нэгэн судалгаагаар бунханы ойр орчим дахь мөнгөн усны хэмжээ ер бусын их байгааг илрүүлжээ. Дээрх таамаглалаас гадна бунханг гэмтээж болзошгүй гэж болгоомжилсон тул археологичид одоо хүртэл булшийг ухаагүй байна. Цинь Ши Хуан хааны бунхан нь ЮНЕСКО-ийн Дэлхийн өвд бүртгэлтэй байдаг. Тус бунханг 38 жилийн турш тасралтгүй барьсан бөгөөд бунханд ойролцоогоор 8000 цэрэг, 520 морьтой 130 сүйх тэрэг, 150т морь багтдаг байна.
Санчи суварга, Энэтхэг
Баригдсан: МЭӨ 300 он
Энэхүү буддын шашны сүмийн цогцолборт байрлах "Их суварга"-ыг МЭӨ III зуунд эзэн хаан Ашокагийн захиалгаар анх бүтээжээ. Санчи суврага нь хамгийн эртний суврагын нэг ба уг суврага нь 32,3 м голчтой, хөмрүүлсэн аяга хэлбэртэй цул байгууламж юм. Орой дээр нь бурхан багшийн нандин шүтээн оршиж байдаг гэж үздэг. Энэтхэгт сүм хийдүүд суврагуудынхаа гадуур хашаа хороо босгох заншилтай ба хашаа, хаалга нь рельефээр чимэглэгдсэн байдаг аж. Санчи суврага нь дөрвөн зүг харсан хаалгатай бөгөөд хаалга болгон дээр амьтад, ахуйн эд зүйлс, ургамлын дүрст хээ угалз давамгайлна. Ялангуяа Санчи суврагын хаалганы чимэг болсон үржил шимт хөрсний бурхан Якши-ны дүр маш онцгой гоёмсог байдаг. Бурханы нүцгэн бие уран эвсэг хөдөлж, гар нь модны өтгөн навчист шингэжээ. Хөдөлгөөн нь хөнгөн уян хийгээд бие нь чөлөөтэй элдэв маяггүй. Эмэгтэй хүний гоо сайхныг зузаан гуя, биеийн хэлбэрээр онцгойлон илэрхийлсэн байдаг.
Парфенон, Афин, Грек
Баригдсан: МЭӨ 432-447 он
Парфенон бол Эртний Грекийн үед байгуулсан, Афин хотын шүтээн болсон Ацина охин тэнэгрт зориулсан сүм юм. Өнөөдөр уг сүмийн үлдэгдэл Афин хотын дэргэд бий. Афины эзэнт гүрэн хүч чадлынхаа туйлд хүрээд байсан үед буюу НТӨ 447 онд Парфеноны бүтээн байгуулалт эхэлж, НТӨ 438 онд дууссан бөгөөд НТӨ 432 он хүртэл барилгын засал чимэглэлийн ажил үргэлжилсэн аж.
Кирусын булш, Иран
Баригдсан: МЭӨ 530 он
Ираны дэлхийн 27 өвийн нэг болох Пасаргадае хэмээх эртний суурингийн нэг хэсэг. Их Кирус үүнийг МЭӨ 6-р зуунд барьжээ. Бунхангаас гадна бусад үлдэгдэлд Толл-е Тахт уулын цайз, хоёр хааны ордон багтдаг.
Ирак, Ур хотын Зиггурат
Баригдсан: МЭӨ 2100 он
Ур хот нь Евфрат ба Тигр мөрний амны ойролцоо байрлах бөгөөд Эхлэл номд Абрахамын амьдарч байсан газар гэж дурдсан байдаг. Хааны 16 булшны үлдэгдлийг 1920, 1930-аад онд Сэр Леонард Вулли малтаж, эртний үнэт эрдэнэсийн заримыг, тухайлбал номин эрдэнээр бүрсэн алтан чинжаал хутга, бүдүүн модонд баригдсан хуцны нарийн сийлбэртэй алтан баримлыг олсон. бухын толгойгоор чимэглэсэн лир, Шумерын хатны алтан толгойн гоёл зэргийг олжээ. Гэхдээ хамгийн гайхалтай олдвор нь сайн хадгалагдсан шаталсан тавцан буюу зиггурат байв. Зиггурат нь хавтгай дөрвөлжин хэлбэртэй суурин юм.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.