Барилгын салбартай холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө, шинэ орон сууц, барилгын материалын үнэ ханшийн судалгаа сар бүр, ажил гүйцэтгэлийн үнэлгээ улирал бүр шинэчлэн гаргадаг Барилга МН сэтгүүлийн 2024 оны 7 сарын дугаар уншигчдадаа хүрээд байна. 

Энэ удаагийн нүүр хуудсанд HAUS хэв хашмалын фанер хамтран ажиллаа.  Шинэ дугаарт гарсан онцлох булангуудаас товч танилцуулбал,

VIP ЗОЧИН

Усны барилга, байгууламжийн салбарт тод мөртэй, хийсэн бүтээснээрээ салбартаа хүндлэгддэг Престиж Инженеринг ХХК-ийн гүйцэтгэх захирал, зөвлөх инженер Шаравын Ганзоригийг энэ удаагийн VIP ярилцлагадаа урилаа. 39 жилийн туршид хоёргүй сэтгэлээр салбартаа зүтгэж, Монгол Улсын усны салбарын томоохон төсөл хөтөлбөрүүд түүний тархи оюун, хүч хөдөлмөрөөр бүтээгдсэн юм. 

НИЙТЛЭЛ

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Түүхэн дурсгалт барилга, архитектурын дурсгалын сэргээн засварлалтын тулгуур ойлголт, түүнийг дахин авч үзэх талаар цуврал нийтлэлийг хүргэж байгаа бөгөөд энэ удаагийн дугаарт “Гэмтлийн төрөл ба түүний үүсэх шалтгаан” - ыг нээн илрүүлэх талаар та бүхэндээ хүргэж байна. 

АМИНЫ ОРОН СУУЦ

Орчин үед хүмүүс дээд доод айлаасаа хамааралтай орон сууцанд биш амины орон сууцанд амьдрах сонирхолтой болсон. Гэвч илүү тав тухтай амьдралыг цогцлоохын тулд халуун ус, бохироо шийдэж амьдрах нь байгаль орчинд болоод хүний эрүүл мэндэд сөрөг нөлөөгүй юм. Иймд хамгийн зөв үр дүнтэй арга бол зориулалтын стандартын зөв септик технологиор шийдвэрлэсэн бохирын систем юм. Системийн зорилго нь бохир хаягдлыг ялган задалж, ялгаран тунасан шингэн хэсгийг нь газрын хөрсөөр дамжуулан бүрэн цэвэршүүлэн шүүж, улмаар хөрсний усанд тэнцэх халдваргүйжүүлсэн усыг гаргадаг. Иймд бохирын сав (танк) дотор бохирын хатуулаг лаг тунаж, үүнийг 3-4 жилдээ ганц соруулах тул септик систем нь хэрэглээний зардал бага, газрын үнэлгээгээ нэмэгдүүлэх урт хугацааны хөрөнгө оруулалт юм.

АРХИТЕКТУР ДИЗАЙН

2024 оны архитектурын гайхалтай шийдлийг цогцлоосон Денвер хотын Populus зочид буудал тун удахгүй ашиглалтад орохоор төлөвлөгдөж байна. Тухайн барилга нь гурвалжин хэлбэрийн төлөвлөлттэй төдийгүй улиас модыг санагдуулам фасадтайгаар зохион бүтээгджээ. Мөн АНУ-ын анхны эрчим хүчний хэмнэлттэй зочид буудал болон сүндэрлэх аж. 

Тухайн барилгын архитектурын шийдэл нь төв болон өмнөд европын нутгаар өргөн тархсан цагаан улиас буюу Populas alba хэмээх шинжлэх ухааны нэрийдэлтэй модноос санаа аван бүтээгдсэн байна. Энэхүү барилгын талаарх дэлгэрэнгүй тус булангаас уншиж танилцаарай. 

ТОДРУУЛГА

Сүүлийн үед иргэд орон сууцандаа дур мэдэн өөрчлөлт оруулан үндсэн хийц бүтээцийг алдагдуулах асуудал ихээхэн гарч байна. Уг асуудал нь энэ талын мэдлэг, хуулийн хариуцлагын талаарх ойлголтгүйгээс болдог байна. Иймд энэ төрлийн зөрчлүүд, түүнд ямар хариуцлага хүлээх талаар Нийслэлийн Хяналт шалгалтын газар Барилгын техникийн хяналтын улсын ахлах байцаагч З.Ганбатаас тодрууллаа. 

ШИНЭ МАТЕРИАЛ 

Дэлхий даяар жилд нийт 4 тэрбум метр куб цемент хэрэглэдэг байна. Энэ нь маш их хэмжээний хүлэмжийн хийн ялгаруулснаар барилгын салбарын нэр хүндэд сөргөөр нөлөөлдөг. Тэгвэл үүнийг тодорхой хэмжээгээр бууруулахын тулд олон улсын эрдэмтэд туршилт судалгаанууд хийж, практикт нэвтрүүлсээр байна. Үүний нэгэн жишээ бол Геополимер бетон юм.  Уг  бетон нь портландцементтэй ердийн бетонтой харьцуулахад ногоон хөгжлийн тал дээр тогтвортой, эрчим хүчний хэмнэлттэй насжилт өндөртэй зэрэг хэд хэдэн давуу талтай. Энэхүү материалын талаар “Шинэ материал” булангаас уншиж танилцаарай. 

Эдгээр булангуудаас гадна Ногоон барилга, Хууль, эрх зүй, Та чадна, Мэргэжилтний зөвлөгөө гэх мэт шинэ мэдээ мэдээллээр дүүрэн байгаа. 

СЭТГҮҮЛ ЗАХИАЛАХ 

Онлайн унших: Номын сан

Утас: 9100-0233, 7711-3333-2