Массбетон барилгын чанарын холбооны гүйцэтгэх захирал М.Гандорж

Барилгын материал, бүтээгдэхүүнийг оновчтой байдлаар хэрэглэх, барилгын ажилд технологийн дэвшлийг ашигласнаар барилга байгууламжийн хүчин чадал болоод найдвартай байдлыг дээшлүүлэх бололцоо бүрддэг. Барилгын үндсэн бүтээцээр хамгийн их хэрэглэдэг бетон материалын хувьд авч үзэхэд бид одоогоор нийтлэг 25-30 МПа бат бэхтэй бетон төсөллөж байна. Тодорхой тооны нэмэлт материалыг оновчтойгоор хольж, технологийн нарийн горимыг хангуулснаар энэ тоог 100-150МПа хүртэл нэмэгдүүлэх боломжтой. 

Америкийн бетоны холбооны тайланд 55МПа-аас дээш шахалтын бат бэхтэй бетоныг өндөр бат бэхтэй гэж тодотгон зураг төсөл, үйлдвэрлэл, техникийн шаардлагад шаардлагатай арга хэмжээг хэрхэн авах талаар тусгасан байдаг бол бидний хойд болон өмнөд хөршид 60МПа-с дээш гэж тодорхойлж, зураг төслийн заавар, үйлдвэрлэлийн стандартыг тус бүр санал болгосон байдаг. 

Үүнд голчлон дэгдэмхий үнс, шаарга, метакаолин, цахиурын тортог зэрэг эрдэс материалын хэрэглээг зохимжтойгоор холих мэдлэгтэй, бусад физик, механик шинж чанарын үзүүлэлтийн талаар цогц судалгаатай байхыг шаардах юм. 

Тухай бүрд нь иж бүрэн асар том судалгаа тайлан байх ба өнөөдрийн сэдвээр онцолж бетоны эдэлгээ, бат бэхийн үзүүлэлтэд гойд ач холбогдолтой Silica fume буюу үгчилж орчуулбал цахиурын утаа, утгачилж орчуулбал цахиурын шатаалтын утаанаас шүүж авсан тортгийн талаар товч ойлголтыг авч үзье.

Зураг 1. Silica fume буюу цахиурын утаа 

1.    Үйлдвэрлэл

Цахиурын тортог нь цахилгаан нуман зуухны тусламжтайгаар цахиурын метал, эсвэл ферросиликон хайлш үйлдвэрлэх явцад үүссэн дайвар бүтээгдэхүүн юм. Үйлдвэрлэлийн процессыг зургаар үзүүлбэл: 

2.    Хими, физикийн шинж чанар 

Аморф төлөвтэй, цахиурын оксидын хэмжээ 85% болон түүнээс дээш байна. 

Ширхгийн хэмжээ <1μм, Нягт 200-700кг/м3, хувийн гадаргуугийн талбай 15000-30000м2/кг. 

Зураг 2.  Зүүн талд цемент болон баруун талд цахиурын тортгийн ширхгийг микроскопоор харж, харьцуулсан байдал 

3.    Цахиурын тортог агуулсан бэхжээгүй бетоны давуу талууд

4.    Цахирын тортог агуулсан бэхэжсэн бетоны давуу талууд

Эндээс үзэхэд бид хүнд үйлдвэрлэл хөгжүүлснээр дор хаяж утаанаас нь ялгаж авсан дагавар бүтээгдэхүүнийг барилгад ашиглах нь хэр чухал болохыг харж байна. Одоогоор Хятад болон Оросоос цахиурын тортог худалдаж авч, хэрэглэж болох боловч цаашдаа дотоодын үйлдвэрлэлээсээ боловсруулж, тогтвортой, найдвартай байдлаа хангах нь чухал юм. 

Цахиурын тортгийг өндөр бат бэхтэй бетонд цементийн найрлагын 10-с доош хувиар хэрэглэдэг, мөн цементээс ч үнэтэй бүтээгдэхүүн биш болохыг Хятадын, Оросын худалдааны сайтаас судалгаа хийж тодорхойлж болно. Гол нь норм дүрмийн баазыг хурдан хугацаанд хөгжүүлэх, туршилт судалгааны институт байгуулж байж энэ мэт технологийн давуу талуудыг хэрэглэх юм.